सोलापूर: आज स.१०.४५ वाजता सिव्हिल हॉस्पिटल सोलापूर येथील निवासी डॉक्टरांच्या इमारती मागील पटांगणामध्ये कोणी अज्ञात समाजकंटकांनी वाळलेल्या गवताला आग लावल्यामुळे आग सर्व बाजूने पसरत होती व शेजारीच असलेल्या सिव्हिल हॉस्पिटल मधील इतर बिल्डिंग व शेजारील आडके हॉस्पिटल पर्यंत ही आग पसरली असती. परिस्थितीचे गांभीर्य लक्षात घेऊन डॉ. संदीप आडके यांनी सोलापूर महानगरपालिकेच्या अग्निशामक दलास तात्काळ फोन केला व पाच मिनिटातच अग्निशामक दलाची एक गाडी येऊन त्यांनी त्वरित आग आटोक्यात आणली. जवळच एमएससिबी च्या हाय टेन्शन वायर्स होत्या .अग्निशामक दलातील सतर्क कर्मचाऱ्यांमुळे आज सोलापूर सिव्हिल हॉस्पिटल व त्याच्या सभोवतालच्या इमारतींना होणारा मोठा धोका टळला. सोलापुरात गेल्यात तीन महिन्यांत आगी लागण्याच्या २० घटना झालेल्या आहेत परंतु आजच्या या घटनेतून ही आग परिसरातीलच कुणी समाजकंटकांनी लावलेली आहे हे दिसून आले अशा विकृत प्रकारामुळे आग लागण्याचे प्रकार व त्यामुळे होणारी हानी व प्रशासनावर पडणारा नाहक ताण वाढत आहे, अशा गोष्टींची त्वरित चौकशी करून व दोषींवर कठोर कारवाई करून आळा घालावा अशी मागणी डॉ. संदीप आडके यांनी केलेली आहे.
अग्निशामक दलाच्या सतर्कतेमुळे सिव्हिल मधील अनर्थ टळला
