येस न्युज मराठी नेटवर्क : आज मुख्य कार्यकारी अधिकारी दिलीप स्वामी यांनी अतिशय खेळीमेळीच्या वातावरणात कोरोना तिसरी लाट होऊ नये म्हणून अचानक शिक्षण विभाग अक्कलकोट व आय सी डी एस विभाग अक्कलकोट यांची बैठक बोलावून मुलांना कोरोनाची लागण होऊ नये याबाबत खूपच मोलाचं मार्गदर्शन केलं.
आजार होऊ नये म्हणून आधीच सावध राहून प्रतिकार केलं तर उत्तम होईल!लहान मुलांना एखादा आजार जडला तर पूर्ण कुटुंबाला भीती वाटते कोणताही आजार घडू नये अशी ईश्वर चरणी प्रार्थना केली.
0 ते 3 : वयोगटातील मुलांना होत असलेले आजार आई वडिलांना कळत नाहीत अन विशेष म्हणजे त्या बालकालाही काय होत आहे हे कळत नाही म्हणून पालकांनी मुलाच्या कडे लक्ष दिलंच पाहिजे अन तपासणी सुदधा करून घेतली पाहिजे.
4 ते 6 वयोगटातील मुले अंगणवाडी/ बालवाडी मध्ये त्यांच्या आरोग्याकडे स्वच्छतेकडे अंगणवाडी सेविका लक्ष देतात पण वारंवार तपासणी व आहार दिल्याने प्रकृती चांगली दिसून येत असते पण मुलांना झालेले आजार कळणार नाहीतच
6 ते 18 वयोगटातील प्राथमिक,उच्च प्राथमिक व माध्यमिक व उच्च माध्यमिक शाळेतील मुलांना सुदधा आजार असण्याची दाट शक्यता असणार आहे,तपासणी होऊन वेळीच उपचार झाला तर पुढील अनर्थ टळला जाणार आहे.
शिक्षकांनी पालकांना समजावून दिलं तर नक्कीच तपासणी होईल व मुले व्यवस्थितीत राहतील यासाठी पूर्ण सोलापूर जिल्ह्यात 10 जून ते 10 जुलै 2021 दरम्यान मुलांची 100% तपासणी करावयाची आहे,
मुले आहेत तर अंगणवाडी व शाळा आहेत,मुलांना कोणतीही बाधा होऊ नये यासाठी आरोग्य यंत्रणा सज्ज आहे यामध्ये तपासणी कामी बालरोगतज्ज्ञ सुद्धा असणार आहेत, पालकांना आवाहन करायचं आहे की ही कोरोनाची टेस्ट नाही तर उत्तम आरोग्यासाठी मुलांची आरोग्य तपासणी केली जाणार आहे.
यासाठी शाळा स्तरावर विद्यार्थी यादी तयार ठेवणं गरजेचं आहे,नियोजन देण्यात येणार आहे.
आरोग्य चांगलं तर जीवन चांगलं.
मुलांचं एच.बी,हृदयाचे स्पंदन,डोळे,कान,नाक, त्वचा, वयाच्या मनाने वजन उंची इ बाबी तपासणी केली जाणार आहे,
100% जिल्हा परिषद /खाजगी अनुदानित /विना अनुदानित / स्वयं अर्थ शासित सर्वच शाळेतील व अंगणवाडी तील मुलांची तपासणी होणेकामी सर्वांनी पुढाकार घ्यावा.
आपल्या गावासाठी दिलेल्या तारखेला आरोग्य पथक येणार आहे त्याची तारीख दिली जाईल दोन दिवस गावात दवंडी देऊन पालकांना जागृत करण्यात यावे.
सर्वांना शुभेच्छा आहेत
