सोलापूर शहरातील कोरोना रोखण्यासाठी महापौरांनी घेतली बैठक

सोलापूर : शहरात कोविड19 रुग्णांची संख्या दिवसेंदिवस वाढत असून त्या अनुषंगाने आज महापौर श्रीकांचना यन्नम यांनी covid-19 या रोगाचा प्रादुर्भाव वाढू नये यासाठी करावयाच्या उपाययोजना संदर्भात महापौर कार्यालयात बैठक आयोजित करण्यात आली होती. या बैठकीस सभागृह नेते श्रीनिवास करली, विरोधी पक्षनेते अमोल शिंदे, महापालिका आयुक्त पि.शिवशंकर,अतिरिक्त आयुक्त विजय खोराटे, उपायुक्त धनराज पांडे,आरोग्य अधिकारी बिरुदेव दुधभाते आदी मान्यवर उपस्थित होते. या बैठकीमध्ये सोलापूर शहरातील हॉस्पिटल मध्ये किती बेड शिल्लक आहेत याची माहिती दररोज लोकांना व्हावी अशी डिजिटल बोर्ड लावण्यात यावे.व विविध व्हाट्सअप ग्रुप वर त्याची माहिती उपलब्ध करून द्यावी तसेच कोविड केअर सेंटर व कॉरटाइन सेंटर येथे स्वच्छता ठेवावी व दर्जेदार सकस आहार त्यांना देण्यात यावे. त्याठिकाणी डॉक्टर व कर्मचाऱ्यांची उपलब्धता कोविड केअर सेंटर मध्ये असावी तसेच महानगरपालिकेच्या वतीने देण्यात येणारा लसीकरणाची माहिती त्या त्या आरोग्य केंद्रावरती बोर्ड तयार करून लावण्यात यावे जेणेकरून नागरिकांना त्याची माहिती मिळेल तसेच रेडमीसीवर इंजेक्शन, हॉस्पिटलमध्ये ऑक्सिजनची मुबलक उपलब्धता आदींबाबत या बैठकीमध्ये चर्चा करण्यात आली तसेच महापौर श्रीकांचना यन्नम यांनी कोरोनाचा वाढता प्रादुर्भाव कमी करण्यासाठी विविध उपाययोजना लवकरात लवकर करावे असे सूचना प्रशासनाला यावेळी दिले.