सोलापूर- मान्सून पूर्व शहरातील विविध उपयोजना संदर्भात महापौर श्रीकांचना यन्नम यांच्या अध्यक्षतेखाली आज महापालिका येथेली महापौर यांच्या कार्यालयात आढावा बैठक घेण्यात आली.या बैठकीस सभागृह नेते शिवानंद पाटील,आयुक्त पि. शिवशंकर,अतिरिक्त आयुक्त विजय खोराटे,नगरसेवक प्रभाकर जामगुंडे,उपआयुक्त धनराज पांडे,साहाय्यक आयुक्त सुनील माने, साहाय्यक आयुक्त पुष्पगंधा भगत,साहाय्यक आयुक्त महानवार,साहाय्यक आयुक्त विक्रम पाटील, नगर अभियंता संदीप कारंजे, सार्वजनिक आरोग्य अभियंता संजय धनशेट्टी, उपअभियंता विद्युत प्रवीण परदेशी यांच्या सह झोन 1 ते 8 चे अधिकारी उपस्थित होते. सोलापूर शहरासह सध्या संपूर्ण जगभरात कोरोना विषाणूंचा प्रादुर्भाव वाढत असून हा विषाणू आजार रोखण्यासाठी विविध स्तरावर प्रयत्न चालू आहे. त्याचबरोबर जून महिन्याच्या सुरुवातीपासून पावसाळा सुरू होणार आहे.त्या अनुषंगाने 1 ते 8 झोन मधील सर्व नाल्याचे कामे मान्सून पुर्व हे जवळपास 70 टक्के काम पूर्ण झाले आहे अशी महिती झोन अधिकाऱ्यांनी दिली.सोलापूर शहारत सखल भागात पाणी साचणार नाही याची दक्षता घ्यावी. तसेच त्यासाठी पाणी उपसा करणारे पंप उपलब्ध करून ठेवण्यात यावे. अशी सुचना महापौरांनी दिली. जेटिंग मशीन उपलब्ध करून देण्यात आले आहे.लाईट विभागाच्या वतीने सोलापूर शहरातील विविध भागतील लाईटचे मेंटनेस सुरू आहे.उद्यान विभागाच्या वतीने सोलापूर शहरातील वाढ झालेल्या झाडेची छाटणी करण्यात आले असून धोकादायक झाडे तोडण्याचे काम चालू आहे .सोलापूर शहरातील विविध भागातील रस्त्यावरील दुभाजक मधली माती कडून त्या ठिकाणी शोभेचे झाड लावण्यात आले आहे.
पावसाळा सुरू झाल्यानंतर मुसळधार पावसामुळे शहरातील नागरिक वसाहती व झोपडपट्ट्यांमध्ये पाणी शिरून नागरिक जनजीवन विस्कळीत होण्याची शक्यता असते व घाण पाण्यामुळे नागरिकांच्या आरोग्यावर विपरीत परिणाम होण्याची शक्यता आहे. त्यामुळे पावसाळा सुरू होण्यापूर्वी सोलापूर शहरातील सर्व नाले, ड्रेनेज लाईन साफसफाई करणे व इतर सुविधा आणि उपाययोजना करण्याबाबत आज महापौर श्रीकाचंना यन्नम यांनी अधिकाऱ्यांना आदेश दिले.
