सोलापुरातील बालमाता प्रकरण राज्यभर गाजू लागले, 10 गुन्हे दाखल…!

18 वर्ष पूर्ण होण्यापूर्वीच लग्न करण्याचे अनेक धक्कादायक प्रकार सोलापूर शहर आणि जिल्ह्यात उघड होऊ लागले आहेत. त्यामुळे सोलापूरच्या अनेक हॉस्पिटलमध्ये बालमाता प्रकरणे उघडकीस येत आहेत. 86 पैकी 34 प्रकरणांमध्ये अल्पवयीन मुलींवर डॉक्टरांनी प्रसूतीचे उपचार केल्याचे निदर्शनास आले आहे. यात आजवर दहा गुन्हे दाखल करण्यात आले आहे. पोलीस आयुक्त एम राजकुमार यांनी देखील याप्रकरणी कारवाई सुरूच राहणार असल्याचे सांगितले. ज्या डॉक्टर किंवा वैद्यकीय अधिकाऱ्यांना मुलगी अल्पवयीन आहे हे माहीत असताना देखील त्यांनी पोलिसांना एमएलसी रिपोर्ट दिला नाही त्यांच्यावर माहिती लपवल्याप्रकरणी पोक्सो कायद्याअंतर्गत कारवाई केली जाणार आहे. बालमाता प्रकरण राज्यभर गाजत आहे. या गंभीर प्रकरणी आता सोलापूर महापालिका, जिल्हा परिषदेचे तसेच खाजगी दवाखाने आता पोलिसांच्या रडारवर आहेत .