मोदींच्या टीकेला सुप्रिया सुळेंनी दिले उत्तर

येस न्युज मराठी नेटवर्क : पंतप्रधान नरेंद्र मोदी यांनी कृषी कायद्यांवरुन पुन्हा एकदा राष्ट्रवादी काँग्रेसचे प्रमुख शरद पवार यांच्यावर टीका केली आहे.पंतप्रधानांनी इंटेंट आणि कंटेंट असा उल्लेख केला. त्यांनी केले. तर इंटेट आणि कंटेंट आणि आम्ही केले. तर यु-टर्न….हे थोडं चुकीचे आहे. त्यातही खासकरुन इतक्या मोठ्या व्यक्तीकडून येणे अशी खंत सुप्रिया सुळेंनी व्यक्त केली. मोदींनी केलेल्या या टीकेला सुप्रिया सुळेंनी उत्तर दिले आहे.मोदींनी आमच्या पक्षाच्या प्रमुखांवर टीका केली. मी उभे राहून त्यांना थांबवू शकत होते, पण ही आमची संस्कृती नाही. मला काही कागदपत्रं, तथ्य समोर मांडायचे आहे. भाजपा सदस्य असले तरी ते देशाचे पंतप्रधान असल्याने त्यांनी सभागृहात मांडलेला मुद्दा गांभीर्याने घेण्याची गरज आहे. पवार कृषीमंत्री असताना त्यांनी राज्यांना लिहिलेल्या पत्राचा दाखला दिला. मात्र यावेळी त्यांनी राज्यांना योग्य वाटेल त्याप्रमाणे अमलबजावणी केली जावी हे वाचले नाही, असे सुप्रिया यांनी सांगितले. मनरेगामुळे करोना संकटात नोकरी गेलेल्यांना रोजगार मिळाला. आधारलाही विरोध करण्यात आला होता, आणि आज ते जीएसटी, मनरेगा, आधारवरुन आपली पाठ थोपटत आहे. आता हा नेमका कोणता टर्न आहे मला माहिती नाही, अशी टीका सुप्रिया यांनी केली आहे.