येस न्युज मराठी नेटवर्क : सोलापूर महापालिकेच्या निवडणूक प्रक्रियेच्या पार्श्वभूमीवर, पोलिस आयुक्तालयाने महत्त्वाचा आदेश जारी केला आहे.निवडणूक निर्णय अधिकाऱ्यांच्या कार्यालय परिसरात कडक निर्बंध लागू करण्यात आले आहेत.
सोलापूर महापालिका निवडणुकीसाठी उमेदवारी अर्ज दाखल करण्याची प्रक्रिया२३ डिसेंबर २०२४ ते ०३ जानेवारी २०२५ या कालावधीत होणार आहे.
या काळात भारतीय नागरिक सुरक्षा संहिता २०२३ च्या कलम १६३ अंतर्गतनिवडणूक निर्णय अधिकारी कार्यालयाच्या मुख्य प्रवेशद्वारापासून १०० मीटर परिसरात जमावबंदी लागू राहणार आहे.
काय असतील निर्बंध?
🔹 उमेदवारी अर्ज दाखल करताना उमेदवारासोबत तीनपेक्षा अधिक वाहने आणण्यास बंदी
🔹 वाहने केवळ निश्चित पार्किंग ठिकाणीच उभी करावी लागणार
🔹 अर्ज दाखल करताना उमेदवार आणि दोन सूचकांनाच कक्षात प्रवेश
🔹 या परिसरात सभा, मिरवणूक, घोषणा, ढोल-ताशे, लाऊडस्पीकर व प्रचारास बंदी
पोलिस प्रशासनाची भूमिका :
पोलिस आयुक्त एम. राजकुमार यांनी कायदा व सुव्यवस्था अबाधित ठेवण्यासाठी हा आदेश जारी केला आहे.
कालावधी :
हा आदेश
२३ डिसेंबर २०२४ रोजी सकाळी ६ वाजल्यापासून
०३ जानेवारी २०२५ रोजी रात्री १२ वाजेपर्यंत लागू राहणार आहे.
इशारा :
या आदेशाचे उल्लंघन केल्यास संबंधितांवर कायदेशीर कारवाई करण्यात येणार असल्याचा इशाराही देण्यात आला आहे.
निवडणूक प्रक्रिया शांततेत पार पडावी, यासाठी राजकीय पक्ष, उमेदवार आणि नागरिकांनी सहकार्य करावे, असे आवाहन पोलिस प्रशासनाने केले आहे.
