दंत तपासणी शिबीराला उत्स्फूर्त प्रतिसाद

सोलापूर : सोलापूरातील श्री मार्कंडेय सोशल फाउंडेशन आणि श्री साईलिला सांस्कृतिक बहुउद्देशीय सेवाभावी संस्था यांच्या सहकार्याने आयोजित पद्मशाली समाजाचे कुलदैवत चिरंजीव महर्षी मार्कंडेय महामुनींचे रथोत्सवाचे औचित्य साधून दंत तपासणी शिबीर आयोजित करण्यात आले होते. यावेळी शिबिराला उत्स्फूर्त प्रतिसाद मिळाला होता.
याप्रसंगी श्री मार्कंडेय सोशल फाउंडेशनचे मार्गदर्शक गणेश पेनगोंडा, पद्मकमळ परिवाराचे प्रमुख गोपीकृष्ण वड्डेपल्ली, महापालिकेचे अधिकारी लक्ष्मण दोंतूल, पद्मशाली ज्ञाती संस्थेचे कार्यकारिणी विश्वस्त श्रीनिवास रच्चा, फाउंडेशनचे उपाध्यक्ष श्रीनिवास कामुर्ती, डॉ. राजेश वड्डेपल्ली श्री साईलिला सांस्कृतिक बहुउद्देशीय सेवाभावी संस्थेचे संस्थापक शेखर म्हेत्रे, यांची प्रमुख उपस्थिती होती. फाउंडेशनचे संस्थापक अध्यक्ष गौरीशंकर कोंडा यांच्या मार्गदर्शनाखाली हे शिबीर घेण्यात आले आहे. हैदराबाद रोड जवळील जुना विडी घरकुल येथे घेण्यात आलेल्या या शिबिरात जवळपास ६० पेक्षा जास्त जणांनी या शिबिराचा लाभ घेतला. या शिबिरात दातांच्या तक्रार घेऊन आलेल्यांची तपासणी डॉ. राजेश वड्डेपल्ली आणि त्यांच्या सहकाऱ्यांनी केली आहे.