सोलापूर : राज्यपाल कोश्यारींविरोधात शिवप्रेमी एकवटले.. घोषणाबाजी आणि निदर्शने

सोलापूर : छत्रपती शिवाजी महाराजांबद्दल वादग्रस्त वक्तव्यानंतर राज्यपाल भगतसिंग कोश्यारी सोलापूर दौऱ्यावर आले आहेत. विवेकानंद केंद्राच्या वेदांतिक ॲप्लिकेशन ऑफ योग ॲन्ड मॅनेजमेंट प्रकल्पाचे लोकार्पण राज्यपालांच्या हस्ते होणार आहे. राज्यपाल सोलापूर विमानतळावरून आसरा चौकात पोहचल्यानंतर शिवप्रेमीनी घोषणाबाजी आणि निदर्शने केली. आता सोलापुरात वातावरण तापलं असून राज्यपालांना घेरण्यासाठी महाविकास आघाडीच्या नेत्यांसह शिवप्रेमींची एकजूट पाहायला मिळाली आहे.या परिस्थितीत कोणताही अनुचित प्रकार घडू नये यासाठी पोलिसांनीही बंदोबस्त वाढवला आहे.