सोलापूर जिल्ह्यातील नगरपालिकांच्या निमित्ताने अनेक जण उघडे पडू लागले आहेत. तर अनेक राजकीय नेत्यांनी कोलांट उड्या घेतल्या आहेत. जरी राष्ट्रवादी शरद पवार गटाकडून निवडून आले असले तरीही मोहोळचे आमदार राजू खरे यांचा ओढा शिवसेना एकनाथ शिंदे गटाकडेच आहे. त्याच पद्धतीने सांगोला मतदार संघात जिथे वर्षानुवर्ष भाजपच्या विरोधात शेकाप राष्ट्रवादी काँग्रेस यांची आघाडी असते ती यंदाच्या नगरपालिका निवडणुकीच्या निमित्ताने मोडीत काढून शेकापचे आमदार बाबासाहेब देशमुख यांनी भाजप बरोबर युती केली आहे. पालकमंत्री जयकुमार गोरे यांचे देखील वारंवार दौरे सांगोल्यालाच असतात. त्यांनी निधी देताना देखील आमदार बाबा साहेब देशमुख यांना सढळ हाताने निधी दिला आहे. शिवाय मुख्यमंत्री देवेंद्र फडणवीस ही देखील आता सांगोला येथे आज प्रचार सभा घेणार आहेत. शेकापा उमेदवाराला ऐनवेळी भाजपने नगराध्यक्ष पदाची उमेदवारी या ठिकाणी दिल्यामुळे खळबळ निर्माण झाली. आमदार बाबासाहेब देशमुख यांची बंधू डॉक्टर अनिकेत हे यापासून अलिप्त राहिले आहेत. त्यामुळे भाजपने फोडाफोडीचे राजकारण करून जिल्ह्यात अनेक घराण्यात वाद लावले आहेत हे दिसून येते.
शेकाप -भाजप युती, आ. बाबासाहेब देशमुख यांची वाटचाल भाजपच्या दिशेने.!
