सराईत महिला गुन्हेगार जेरबंद, १ लाख ८० हजार जप्त

सोलापूर : राष्ट्रीय महामार्गावर प्रवासी म्हणून वाहनांमध्ये बसून वाहनधारकांची नजर चुकवून रोख रकमेची चोरी करणाऱ्या महिलांना पकडण्यात सोलापूर ग्रामीण पोलिसांच्या स्थानिक गुन्हे शाखेला यश आले आहे. ३ जुलै रोजी दुपारी दीड वाजण्याच्या सुमारास वाहनातून करमाळा येथे शेळ्या खरेदीसाठी जात असतात मुस्ताक मोहम्मद युसुफ आधारून यांच्या गाडीतून ३ लाख ८० हजार रुपये चोरीस गेले होते. स्थानिक गुन्हे शाखेचे पोलीस निरीक्षक सर्जेराव पाटील यांच्या नेतृत्वाखालील पथकाने दोन संशयित महिलांना ताब्यात घेऊन १ लाख ८० हजार रुपये जप्त केले आहेत. या संशयित महिला आरोपींपैकी एक महिला रेकॉर्डवरील गुन्हेगार असल्याचे आणि तिच्या विरुद्ध चोरीचे 12 गुन्हे दाखल असल्याचे पोलिसांच्या प्रसिद्धीपत्रकात म्हटले आहे. या महिलांना न्यायालयात हजर केले असता ९ जुलैपर्यंत पोलिस कोठडी देण्यात आली आहे.