सराईत गुन्हेगार भरत किसन मेकाले याला अटक व येरवड्यास रवानगी

येस न्युज मराठी नेटवर्क : सोलापूर शहरातील सलगर वस्ती, फौजदार चावडी, जेलरोड , जोडभावी पेठ पोलीस ठाणे हद्दीतील सराईत गुन्हेगार भरत किसन मेकाले याला एमपीडीए कायद्यानुसार 13 मे रोजी स्थानबद्ध करण्यात आले. त्याची रवानगी येरवडा कारागृहात करण्यात आली आहे. भरत मेकाले हा सावकारी व्यवसाय करीत होता व लोकांकडून तसेच व्यापाऱ्यांकडून पंधरा ते वीस टक्क्यांपर्यंत व्याज घेत असल्याची तक्रार विविध पोलिस ठाण्यात दाखल होती. घातक शस्त्रानिशी हल्ला करणे, खंडणी मागणे, दुखापत करणे ,जबरी चोऱ्या करणे, गैरकायद्याची मंडळी जमवून गैरकृत्य करणे अशा विविध गंभीर गुन्ह्यांसाठी तो पोलिसांना हवा होता . मेकाले याने सार्वजनिक सुव्यवस्थेला बाधा निर्माण केली असल्याचे लक्षात आल्यामुळे त्याच्याविरुद्ध 2019 व 2020 मध्ये प्रतिबंधात्मक कारवाई करण्यात आली होती. मेकाले याच्याविरुद्ध जमीन बळकावणे यासारखे गंभीर स्वरूपाचे गुन्हे देखील दाखल करण्यात आले. मेकाले याच्याविरुद्ध वेळो-वेळी कार्यवाही करूनही वर्तनात सुधारणा न झाल्याने एमपीडीए अधिनियम 1981 अन्वये स्थानबद्धतेचे आदेश काढण्यात आले होते. त्याची रवानगी येरवडा कारागृहात करण्यात आली आहे.