नवोदित कलावंतांनी बालगंधर्व समजून घ्यावेत: डॉ.श्रीकांत येळेगावकर
सोलापूर:अखिल भारतीय मराठी नाट्य परिषद शाखा सोलापूरच्या वतीने नटसम्राट कै.बालगंधर्व यांच्या स्मृतिदिनानिमित्त त्यांच्या स्मृतींना अभिवादन करण्यात आले. परिषदेचे जेष्ठ आजीव सभासद डॉ.श्रीकांत येळेगावकर यांच्या हस्ते प्रतिमा पूजन करण्यात आले.याप्रसंगी त्यांनी बालगंधर्वांच्या तपश्चर्येची शिकवण नवोदित कलावंतांसाठी मार्गदर्शक ठरणारी आहे. प्रचंड मेहनत आणि इच्छाशक्तीच्या बळावर बालगंधर्वांनी स्वतःची कारकीर्द अजरामर केली. ही नवोदित कलावंतांनी शिकण्यासारखी गोष्ट आहे असेही ते म्हणाले.
परिषदेचे सल्लागार श्री शरद एकबोटे यांनी बालगंधर्वांच्या जीवनातील किस्से सांगितले आणि त्यांच्या आठवणींना उजाळा दिला. परिषदेचे निमंत्रित सदस्य श्री मिलिंद पटवर्धन यांना “रत्नाकर करंडक” एकांकिका स्पर्धेमध्ये अभिनयाचे सर्वोत्कृष्ट पारितोषिक मिळाल्याबद्दल त्यांचा डॉ.श्रीकांत येळेगावकर यांच्या हस्ते सत्कार करण्यात आला.
याप्रसंगी डॉ.श्रीकांत येळेगावकर, सल्लागार-शरद कुमार एकबोटे,मल्लिकार्जुन कावळे,उपाध्यक्ष अशोक किल्लेदार, प्रमुख कार्यवाह प्रा.जोतिबा काटे, सहकार्यवाह-सुमित फुलमामडी,सुहास मार्डीकर, कार्यकारणी सदस्य आनंद खरबस,पद्माकर कुलकर्णी,अपर्णा जोशी,राजु रंगम, निमंत्रित सदस्य मिलिंद पटवर्धन, संतोष उदगिरी, मंगेश काळे, आदी मान्यवर उपस्थित होते. कार्यक्रमाचे सूत्रसंचालन पद्माकर कुलकर्णी यांनी केले तर आभार अशोक किल्लेदार यांनी मानले.
