ग्रामीण पोलिसांची अवैध दारूधंदे आणि वाळू वाहतूकदारांवर धडक कारवाई

येस न्युज मराठी नेटवर्क : सोलापूर ग्रामीण पोलिसांनी सलग तिसऱ्या दिवशी अवैध दारू धंद्यांवर धडक कारवाई केली. या कारवाईमध्ये करमाळ्यात दोन ठिकाणी गुन्हे दाखल करण्यात आले. तसेच मोहोळ येथे देखील दोन गुन्हे दाखल करण्यात आले .करमाळा तालुक्यात ४८ देशी कंपनीच्या दारूच्या बाटल्या जप्त करण्यात आल्या. त्याचप्रमाणे १००० लिटर गुळ मिश्रित रसायन ताब्यात घेण्यात आले. मोहोळ येथे दहा ब्रास वाळू असलेला ट्रॅक्टर आणि दोन ब्रास वाळू असलेला टेम्पो असा साधारण ८ लाख८४ हजार रुपयांचा ऐवज जप्त करण्यात आला. सोलापूर जिल्ह्यातील पोलीस ठाण्यांमध्ये ५३ गुन्हे दाखल करत तेराशे ९९ लिटर हातभट्टी दारू आणि पाच हजार लिटर गुळ मिश्रित रसायन जप्त करण्यात आले. त्याचप्रमाणे ५८ गुन्हे दाखल करीत ८४५ देशी व विदेशी दारू बाटल्या जप्त करण्यात आल्या या दारू व रसायनाची किंमत २ लाख ५१ हजार ३६५ रुपये आहे. सोलापूर ग्रामीण पोलीस अधीक्षक तेजस्वी सातपुते व अप्पर पोलीस अधीक्षक अतुल झेंडे यांच्या मार्गदर्शनाखाली ही कारवाई करण्यात आली.