सोलापूर : येथील अग्रेसर असलेले रोटरी इ क्लब ऑफ सोलापूर इलाईट तर्फे 12 जानेवारी रोजी युवा दिनी युवा उद्योजकांना सन्मानित करण्यात आले स्वामी विवेकानंद जयंती व युवा दिवस ची संधी साधून युवा उद्योजकांना व नवीन स्टार्टअप करणाऱ्या युवकांचे सत्कार प्रशस्तीपत्र व भेट देऊन गौरविण्यात आले. प्रमुख पाहुणे म्हणून बार्शी येथील नर्गिस दत्त कॅन्सर हॉस्पिटल चे निवृत्त प्रसिद्ध कॅन्सर सर्जन डॉ. प्रकाश दाले होते. साहिल भंडारी, शुभम अग्रवाल, व्यंकटेश दोमा, अंकित दरगड, शुभम सोनी, प्रचीत बागेवाडीकर यांचे त्यांच्या क्षेत्रातील योगदानाबद्दल सत्कार करण्यात आले. तसेच दोन युवा शाळेतील मुलांचे लॉकडाऊन मध्ये स्टेशनरी चे ऑनलाइन ॲप द्वारे स्टार्टअप करणारे राघव काबरा व तनिष्क दाले यांचे विशेष सत्कार करण्यात आले.
प्रमुख पाहुण्यांनी क्लब तर्फे केलेल्या या पुढाकाराचे कौतुक करून युवांसाठी भारतात अनेक सुवर्णसंधी उपलब्ध असून त्यांना योग्य प्लॅटफॉर्म दिल्यास ते नक्कीच आपले कर्तृत्व सादर करू शकतील असे प्रतिपादन केले कार्यक्रमास अध्यक्ष अतुल सोनी, सचिव प्रसाद कुलकर्णी, खजिनदार अमोल काबरा , निशांत गाला, बालमुकुंद राठी, व्यंकटेश सोमाणी, राहुल डांगरे, कौस्तुभ पेंडसे , डॉ.केदार कहते, अमित इंनानी व अक्षय जव्हेरी व इतर पालक, उपस्थित होते
