सोलापूर : रमजान ईद चे अनुषंगाने सोलापूर शहरातील कायदा व सुव्यवस्था अबाधित राखण्यासाठी बुधवारी, ०३ मार्च रोजी सायंकाळी ०४.०० वा. पोलीस आयुक्त कार्यालयात शांतता समिती सदस्य, सोलापूर महानगर पालिकेकडील अधिकारी, आर. टी. ओ. चे अधिकारी, महावितरण चे अधिकारी, शहर काझी, मुस्लीम बांधवांची संयुक्तपणे शांतता कमिटी बैठक आयोजित केली होती.
या बैठकीची प्रस्तावना डॉ. दिपाली काळे (पोलीस उप आयुक्त :गुन्हे) यांनी करुन बैठक आयोजन करण्यामागचा उद्देश स्पष्ट केला. त्यानंतर बैठकीस उपस्थित शांतता समिती सदस्य व इतरांनी समस्या सुचना मांडल्या. त्यानंतर या सुचनांचे संबंधित महानगर पालिका अधिकारी यांनी या कामाची रुपरेषा पाहून समस्या सोडविण्यात येतील, असे सांगितले. पोलीस आयुक्त एम. राजकुमार बैठकीच्या अध्यक्षस्थानी होते.
पोलीस आयुक्त एम. राजकुमार यांनी बैठकीस उपस्थित लोकांचे स्वागत करुन मांडलेल्या अडी-अडचणीचे निरसण केले. उत्सव साजरा करताना बऱ्याचवेळी कायदेशीर बाबींचे उल्लंघन होत असते, कोणीही कायदा हातात घेऊ नये, सोशल मिडीयावर कोणीही आक्षेपार्ह मेसेजेस, फोटो, पोस्ट व्हायरल होत असल्याचे निदर्शनास आल्यास त्याबाबत त्वरीत पोलीस यंत्रणेस कळवावे, कोणताही अनुचित प्रकार निदर्शनास आल्यास पोलीसांशी संपर्क साधावा, शांतता समिती सदस्य व नागरीकांनी आपल्या परीसरातील बेकायेदशीर बाबींची माहिती पोलीसांना दिली पाहिजे. नियमांचे पालन करावे, योग्य बंदोबस्त नेमू, असे सांगून बैठकीला आलेल्या उपस्थितांचे आभार मानताना, त्यांनी रमजान ईदनिमित्त शुभेच्छा दिल्या.
सदर बैठकीस पोलीस आयुक्त एम. राजकुमार, अजित बोऱ्हाडे (पोलीस उप आयुक्त (मुख्यालय), डॉ. दिपाली काळे (पोलीस उप-आयुक्त : गुन्हे), विजय कबाडे (पोलीस उप आयुक्त : परीमंडळ), अशोक तोरडमल (सहाय्यक पोलीस आयुक्त : विभाग-१), अजय परमार, (विभाग-२), यशंवत गवारी, (वाहतुक शाखा), प्रांजली सोनवणे (गुन्हे शाखा), तसेच सोलापूर महानगरपालिकेकडील नगर अभियंता सारिका अकुलवार, आर. टी. ओ. अर्चना गायकवाड, महावितरण अति. कार्यकारी अभियंता प्रदिप मोरे तसेच सर्व पोलीस ठाणे/शाखा प्रभारी अधिकारी-पोलीस अंमलदार, शांतता कमिटीचे सदस्य, पत्रकार बंधू उपस्थित होते.
