महाराष्ट्र शासनाच्या शालेय शिक्षण विभागामार्फत अधिकारी, शिक्षक व कर्मचाऱ्यांसाठी विविध 42 प्रकारच्या स्पर्धा घेण्यात येत आहेत. त्यामध्ये विभागस्तरीय योगासन स्पर्धेत जिल्हा परिषद प्राथमिक केंद्र शाळा अरण येथील परमेश्वर शेकू सुरवसे यांनी प्रथम क्रमांक पटकावला. त्यांची राज्यस्तरीय स्पर्धेसाठी निवड निश्चित झाली आहे.परमेश्वर सुरवसे हे जिल्हा परिषद प्राथमिक केंद्र शाळा अरण तालुका माढा येथे कार्यरत असून आर्ट ऑफ लिविंग चे प्रशिक्षक म्हणून गेली पंधरा वर्षे त्यांची योग सेवा तालुक्यात सुरू आहे. करियर कौन्सिलर तसेच बुद्धिबळाचे राज्य पंच म्हणूनही त्यांचे कार्य सुरू आहे.
जानेवारी महिन्यात नांदेड येथे होणाऱ्या राज्यस्तरीय योगासन स्पर्धेसाठी त्यांची निवड झाली आहे. पुणे विभागाच्या स्पर्धा या हार्ट फुलनेस रिट्रीट योगा सेंटर सिंहगड रोड येथे शनिवार दिनांक 20 डिसेंबर रोजी संपन्न झाल्या.त्यांच्या या यशाबद्दल प्राथमिक शिक्षणाधिकारी कादर शेख, माढा तालुका गटशिक्षणाधिकारी विकास यादव, विस्तार अधिकारी शिवराज ढाले शिक्षक समितीचे राज्य उपाध्यक्ष राजन सावंत , राष्ट्रवादीचे राज्य सरचिटणीस हरिदास रणदिवे ,माजी जिल्हा परिषद सदस्य भारत आबा शिंदे ,शिवाजी कांबळे मुख्याध्यापक शांता शेंडगे ,शाळा व्यवस्थापन समितीचे अध्यक्ष अमोल पाटील अरणचे ग्रामस्थ व आर्ट ऑफ लिविंग च्या स्वयंसेवकातर्फे हार्दिक अभिनंदन करण्यात आले.
