दहावीच्या विद्यार्थ्यांना मार्गदर्शन करण्यासाठी ऑनलाईन कार्यक्रमाचे आयोजन

येस न्युज मराठी नेटवर्क : सोलापूर शहर मुख्याध्यापक संघाच्या वतीने दहावीच्या विद्यार्थ्यांना मार्गदर्शन करण्यासाठी ऑनलाईन कार्यक्रमाचे आयोजन करण्यात आले होते. या कार्यक्रमाचे उद्घाटन शिक्षणाधिकारी सन्माननीय भास्कर राव बाबर साहेब यांच्या शुभहस्ते करण्यात आले.कार्यक्रमाचे स्वागत आणि प्रास्ताविक शहर मुख्याध्यापक संघाचे अध्यक्ष मन्मथ उकरंडे यांनी केले.यावेळी मुख्याध्यापक संघाच्या वतीने सन्मानीय शिक्षणाधिकारी बाबर साहेब यांचा यथोचित सत्कार करण्यात आला.
यावेळी शिक्षणाधिकारी बाबर यांनी विद्यार्थ्यांना मार्गदर्शन केले.या कार्यक्रमास गणेश देशपांडे शिवाजी चापले अनिल पाटील भिकाजी कुलकर्णी विष्णू मस्के बी.जे.इंगळगी सारंग पाटील इत्यादी उपस्थित होते.मार्गदर्शक रामचंद्र धर्मसाले व्याकरण गद्य पद्य व स्थूलवाचन यावर भिकाजी कुलकर्णी यांनी विद्यार्थ्यांना मार्गदर्शन केले.कार्यक्रमाचे सूत्रसंचालन शहर सचिव विष्णू गायकवाड यांनी केले.