सोलापूर येथील द. का. आसावा प्रशालेत 28 फेब्रुवारी हा राष्ट्रीय विज्ञान दिवस ” आपत्ती व्यवस्थापन ” या विषयावर साजरा करण्यात आला. प्रारंभी प्रशालेच्या विज्ञान शिक्षिका जवळगेकर यांनी प्रास्ताविकेतून विज्ञान दिनाचे महत्व सांगितले. कार्यक्रमाच्या अध्यक्षा मुख्याध्यापिका मनीषा पाटील यांनी अतिथींचे स्वागत व सत्कार केला. पाहुण्यांचा परिचय सावंत यांनी करून दिला. सदर कार्यक्रमाचे नियोजन विभाग प्रमुख चिक्काळी यांनी केले. तसेच कसबे यांनी फलक लेखन केले. या प्रसंगी प्रशालेच्या पर्यवेक्षिका गवळी उपस्थित होत्या.
सुरवसे यांनी अग्निशमन दलाच्या संजय जगताप यांच्याशी मुलाखत – संवाद साधून आपत्ती व्यवस्थापन बद्द्ल माहिती करून दिली. या प्रसंगी विविध प्रकारच्या प्रात्यक्षिकांतून विद्यार्थ्यांचा सहभाग घेऊन अग्निशमन दलाचे काम, उपाय योजना इ. मार्गदर्शन करण्यात आले.
कार्यक्रमाच्या शेवटी इंगळे यांनी कार्यकमाचे आभार प्रदर्शन केले. या कार्यक्रमाच्या यशस्वीतेसाठी शशिकांत मोरे ,सचिन मोरे ,विजय लोहार, आरती बनसोडे यांनी मदत केली.प्रशालेच्यासर्व विज्ञान शिक्षक इतर सर्व शिक्षक, शिक्षकेतर कर्मचाऱ्यांनी सहकार्य केले.
