कोकाटेंच्या अटकेसाठी नाशिकचे पोलीस मुंबईला रवाना..

मंत्री माणिकराव कोकाटे यांनी आपल्या पदाचा राजीनामा पक्षप्रमुख अजित पवार यांच्याकडे सोपवला असून नाशिकचे पोलीस मंत्री माणिकराव कोकाटे यांना अटक करण्यासाठी मुंबईकडे रवाना झाले आहेत.कोकाटे यांच्या अटकेसाठी विधिमंडळाच्या परवानगीची गरज नाही. कायदेशीर अडचण नाही. विधिमंडळाला अटके संदर्भात माहिती देण्यात येईल, असे पोलिसांनी सांगितले आहे. कोणत्याही क्षणी त्यांना अटक केली जाऊ शकते. दरम्यान मंत्री कोकाटे यांच्यावर लीलावती रुग्णालयात उपचार सुरू आहेत.