निःशुल्क प्रशिक्षणाबरोबर मिळणार शासनाचे प्रमाणपत्र
सोलापूर – एम.एस.एम.ई (सूक्ष्म, लघु आणि मध्यम उ‌द्योग मंत्रालय) आणि उ‌द्योगवर्धिनी संस्थेच्या संयुक्त विद्रद्यमाने सोलापुरातील युवतींना व्यवसायाभिमुख प्रशिक्षण देण्यात येणार आहे. पूर्णपणे निःशुल्क असलेल्या या प्रशिक्षणासोबतच व्यवसायवाढीसाठी अत्यंत उपयुक्त असलेले शासकीय प्रमाणपत्रही देण्यात येणार आहे, अशी माहिती उ‌द्योगवर्धिनी संस्थेच्या अध्यक्षा चंद्रिका चौहान यांनी गुरुवारी पत्रकार परिषदेत दिली.
शासनाच्या सूक्ष्म, लघु आणि मध्यम उ‌द्योग मंत्रालयातर्फे विविध १७६ प्रकारचे प्रशिक्षण अभ्यासक्रमां‌द्वारे देण्यात येते. यातील फॅन्सी कॉटनबॅग मेकिंग आणि फूड प्रोसेसिंग अँड प्रोडक्शन हे दोन अभ्यासक्रम सोलापुरातील युवतींना शिकवण्यात येणार आहेत. संपूर्ण महिनाभर दररोज तीन तास है प्रशिक्षण देण्यात येणार आहे. यात बॅग शिवण्यासाठी कच्चा माल आणणे, पक्का माल बनवणे, यंत्रांची माहिती, बाजारपेठेची माहिती, मसाले, चटण्या, महाराष्ट्रीयन थाळी, गुजराती थाळी, मेस, स्नॅक्स सेंटर सुरु करण्याचे प्रशिक्षण देण्यात येणार आहे.
याशिवाय व्यवसाय सुरु करण्यासाठीच्या शासकीय योजना, या योजनांचा लाभ घेण्यासाठी आवश्यक असलेली कागदपत्रे, कार्यालयांची माहितीदेखील या प्रशिक्षणादरम्यान देण्यात येणार आहे. तसेच व्यवसायवाढीसाठी उपयुक्त असलेले शासकीय प्रमाणपत्रदेखील प्रशिक्षणार्थीना मिळणार आहे. १८ वर्षावरील युवतींसाठी हे प्रशिक्षण असून ज्यांना शास्त्रशुद्ध प्रशिक्षण घेऊन उ‌द्योग सुरु करण्याची इच्छा आहे, अशा युवतींनी ९४२२०६९४५५ किंवा ९५०३७१३६९१ या भ्रमणध्वनी क्रमांकावर किंवा उ‌द्योगवर्धिनी संस्थेशी बी. सी. बॉईज हॉस्टेल, जुना एम्प्लॉयमेंट चौकाजवळ, सोलापूर येथे संपर्क साधावा आणि २४ एप्रिल पर्यंत नावनोंदणी करावी, असे आवाहन उ‌द्योगवर्धिनी संस्थेच्या अध्यक्षा चंद्रिका चौहान यांनी याप्रसंगी केले. या पत्रकार परिषदेस सचिवा मेधा राजोपाध्ये, उपाध्यक्षा शोभा श्रीवास्तव, खजिनदार वर्षा विभूते, संचालिका अॅड. गीतांजली चौहान, मयंक चौहान उपस्थित होते.
