सुप्रिया सुळेंसह खासदारांना गाझिपूर बॉर्डरवर रोखलं

येस न्युज मराठी नेटवर्क । राष्ट्रवादी काँग्रेसच्या खासदार सुप्रिया सुळे यांच्यासह देशभरातील अनेक खासदार दिल्लीच्या गाझीपूर बॉर्डवर शेतकऱ्यांच्या आंदोलनाचा आढावा घेण्यासाठी पोहोचले . मात्र, या सर्वांना दिल्ली पोलिसांनी सीमेवरच अडवलं आहे. त्यामुळे आंदोलनस्थळी जाण्यास मज्जाव करण्यात आला आहे.शेतकरी आंदोलनाला भेट देण्यासाठी निघालेल्या खासदारांमध्ये महाराष्ट्र, कर्नाटक, तामिळनाडू, पंजाब, केरळमधील अनेक खासदार होते . विविध राज्यातील दहा पक्षांचे खासदार यानिमित्ताने एकत्र आले . दरम्यान, सुप्रिया सुळे म्हणाल्या, “शेतकऱ्यांच्या पाठिंब्यासाठी आम्ही कटिबद्ध आहोत. आम्ही इथे गडबड करायला आलोय की काय अशा पद्धतीने प्रचंड मोठा पोलीस फौजफाटा आणि बॅरिकेट्स लावून आम्हाला रोखण्यात आलं आहे. अन्नदाता सुखी भवं असे आपल्यावर संस्कार झालेले आहेत. मात्र, शेतकऱ्यांशी सरकार ज्या पद्धतीनं वागतंय हे अतिशय दुर्देवी आहे.