सोलापूर : प्रिसिजन कॅमशाफ्ट्सचे संस्थापक चेअरमन स्व. सुभाष रावजी शहा यांना प्रिसिजन परिवाराकडून आदरांजली वाहण्यात आली. स्व. सुभाष शहा यांच्या दहाव्या पुण्यतिथीनिमित्त कंपनीच्या चिंचोळी एमआयडीसीतील प्लांटमध्ये हेडगेवार रक्तपेढीच्या सहकार्याने रक्तदान शिबिराचे आयोजन करण्यात आले होते.
प्रिसिजनच्या कर्मचारी व कामगारांनी मोठ्या प्रमाणावर रक्तदान केले. दुपारी १२ वाजता कंपनीची उत्पादन प्रक्रिया एक मिनिटासाठी थांबवून आदरांजली वाहण्यात आली. कंपनीचे चेअरमन यतिन शहा, संचालिका डॉ. सुहासिनी शहा, कार्यकारी संचालक करण शहा, मयुरा शहा, एचआर विभागाचे सरव्यवस्थापक राजकुमार काशिद, जनसंपर्क अधिकारी माधव देशपांडे व आदित्य गाडगीळ यांच्यासह विविध विभागांचे प्रमुख तसेच कर्मचारी व कामगार मोठ्या संख्येने उपस्थित होते.
