सोलापूर शहर गुन्हे शाखेने आंतरराज्य घरफोडी करणाऱ्या आरोपीला अटक करून मोठी कामगिरी केली आहे. सलगर वस्ती पोलीस ठाणे हद्दीतील राजमुद्रा रेसिडेन्सी फेज-१ येथे झालेल्या घरफोडी प्रकरणात आरोपीकडून एकूण २० लाख ४२ हजार रुपयांचा मुद्देमाल जप्त करण्यात आला आहे.
२८ डिसेंबर २०२५ रोजी प्रकाश दामोदर वानकर यांच्या घरातून रोख रक्कम चोरी झाल्याप्रकरणी गुन्हा दाखल करण्यात आला होता. तपासादरम्यान गुन्हे शाखेच्या पथकाने तांत्रिक विश्लेषण व गोपनीय बातमीदारांच्या मदतीने मोईन मोलानासाब दुबेकुला यास ताब्यात घेतले.
आरोपीकडून रोख रक्कम १३.४० लाख, इंटरनेट राऊटर, तसेच कार क्रमांक AP 36 AH 8837 असा मुद्देमाल हस्तगत करण्यात आला आहे. आरोपीविरोधात हैदराबाद येथेही तत्सम घरफोडीचे गुन्हे दाखल असल्याची माहिती पोलिसांनी दिली.
ही कारवाई पोलीस आयुक्त राजकुमार, अपर पोलीस आयुक्त डॉ. अश्विनी पाटील, सहायक पोलीस आयुक्त राजन माने, वरिष्ठ पोलीस निरीक्षक अरविंद माने यांच्या मार्गदर्शनाखाली गुन्हे शाखेच्या पथकाने केली.
