येस न्युज नेटवर्क :आशिया चषक 2022 चा उद्याचा सामना भारत आणि पाकिस्तान यांच्यात होणार आहे. दुबईच्या ज्या स्टेडीयममध्ये हा सामना होणार आहे. त्यामध्ये भारताच्या कटू आठवणी आहेत. याच स्टेडीयमवर गतवर्षी झालेल्या टी-20 विश्वचषकात दोन्ही संघ आमनेसामने आले होते. या सामन्यात पाकिस्तानने भारताचा 10 गडी राखून पराभव केला होता. तसेच, विश्वचषकातील पहिला विजय नोंदवला होता. मात्र, आता पुन्हा एकदा भारतीय संघ आशिया चषकामध्ये पाकिस्तानशी मुकाबला करणार आहे. त्यामुळे सर्वत्र ‘मौका… मौका’, असे बोलले जात आहे. त्यामुळे भारतीय संघ उद्याचा सामना जिकणार का, हे पाहणे महत्वाचे ठरणार आहे.
आशिया खंडातील देशांसाठी एक अत्यंत महत्त्वपूर्ण स्पर्धा असणाऱ्या आशिया कप 2022 स्पर्धेला आजपासून सुरूवात होणार आहे. आजचा पहिला सामना श्रीलंका आणि अफगाणिस्तान यांच्यात होणार आहे. या महामुकाबल्यासाठी भारातीय संघ सज्ज झाला आहे. विशेष म्हणजे भारत आणि पाकिस्तान दोन्ही संघ या सामन्यासाठी नव्या जर्सीत खेळणार आहे. बीसीसीआयने पोस्ट केलेल्या व्हिडीओमध्ये भारतीय कर्णधार रोहित शर्मा आणि टीम इंडिया नव्या जर्सीत फोटोशूट सेशन करताना दिसत आहेत. या फोटो सेशनमध्ये कर्णधार रोहित शर्मासह विराट कोहली, हार्दिक पंड्या, केएल राहुल, ऋषभ पंत, रवी अश्विन, दिनेश कार्तिक यांसह इतर खेळाडू दिसत आहेत.
