सोलापूर : बार्शी रस्त्यावरील बाळे येथील संतोष नगर मधील सुशांत सुरेश काकडे यांनी १४ मार्च रोजी राहत्या घरातून तांबे , पितळ, व स्टीलच्या विविध १८ वस्तू चोरीस गेल्या असून या वस्तूंची किंमत नऊ हजार सातशे रुपये असल्याची फिर्याद फौजदार चावडी पोलिस ठाण्यात केली आहे. ही चोरी १४ मार्च रोजी सकाळी पावणे दहा ते रात्री ११ वाजण्याच्या दरम्यान झाली असून १६ जून रोजी याबाबत तक्रार करण्यात आली आहे. याप्रकरणी पोलीस हवालदार शेख अधिक तपास करीत आहेत.
एसटीमध्ये चढत असताना मोबाइलची चोरी
सोलापूर : बार्शी येथे जाण्यासाठी एसटीमध्ये चढत असताना नारायण माधव गोरे यांच्याजवळील ओप्पो कंपनीचा ५ हजार रुपयांचा मोबाईल अज्ञात चोरट्याने चोरून नेल्याची फिर्याद फौजदार चावडी पोलिस ठाण्यात करण्यात आली आहे. याप्रकरणी पोलीस नाईक पैकेकरी तपास करीत आहेत. १६ मार्च रोजी एसटी स्टँडवर हा चोरीचा प्रकार घडला असून १६ जून रोजी फिर्याद दाखल करण्यात आली आहे.
