जेनेलियाचा घायाळ करणारा लुक

जेनेलियाने आपल्या सोशल मीडियावर अकाउंटवर काही फोटो शेअर केले आहेत. ज्यामध्ये ती खूप सुंदर दिसत आहे. अभिनेत्रीचा हा घायाळ करणारा लुक तिच्या चाहत्यांना खूप आवडला आहे. तिनं या आउटफिटची निवड क्लोदिंग ब्रँडमधून केली होती. ज्यामध्ये क्रॉप टॉप आणि स्कर्टचा समावेश होता. अभिनेत्रीने या ड्रेसवर वजनदार ज्वेलरी आणि गडद मेकअप केला होता. तिचा हा लुक इतका सुंदर व क्लासी होता की तिच्या रूपावरून नजर दुसरीकडे वळवणे शक्यच नव्हते.
​क्रॉप टॉपमधील बोल्ड लुक
जेनेलियाने परिधान केलेल्या या आउटफिटमध्ये आयव्हरी शेडच्या क्रॉप टॉपचा समावेश होता. ज्यामध्ये डीप स्वीटहार्ट नेकलाइन डिझाइन देण्यात आले होते. यामुळे तिचा लुक बोल्ड दिसत होता. दुसरीकडे स्ट्रॅपी स्लीव्ह्जमुळे आउटफिटला स्टायलिश लुक मिळालाय. तसंच यामध्ये फिटेड बेल्ट देखील आपण पाहू शकता, यामुळे अभिनेत्रीची कर्वी फिगर हाइलाइट झाली आहे.
​थाय-हाय स्लिट स्कर्टमध्ये दिसत होती कमाल
या सुंदर अभिनेत्रीने क्रॉप टॉपसह फिकट गुलाबी रंगाचा स्कर्टचा मॅच केला होता. ज्यावर ग्राफिक प्रिंट्स डिझाइन आपण पाहू शकता. या फ्लेअर्ड स्कर्टचे वैशिष्ट्य म्हणजे त्यावर जे प्रिंट्स तयार करण्यात आले होते ते रितेश आणि त्याच्या कंपनीच्या लेटरहेड प्रिंटमधून घेण्यात आले होते. रंगीबेरंगी प्रिंट स्कर्ट खूपच आकर्षक दिसत होता. तसंच जेनेलियाच्या या हाय वेस्ट स्कर्टमध्ये समोरील बाजूस थाय-हाय स्लिट डिटेलिंग देण्यात आले होते. हा फ्लेअर्ड आणि प्रिंटेड स्कर्ट अशा पद्धतीने डिझाइन करण्यात आला होता, ज्यामुळे स्कर्टमध्ये मोठ्या प्रमाणात प्लीट्स दिसत होत्या. ज्यामुळे साध्या पॅटर्नमधील आउटफिटलाही हटके लुक मिळाला होता.