जुनी मिल चाळ जीएमसी तरुण मंडळाच्या वतीने २५ पोते गहू, ५ पोते तांदूळ व २ तेलाचे डबे प्रदान
सोलापूर : सोलापूर महानगरपालिकेचे महापौर तथा प्रथम नागरिक विनायक दादा कोंड्याल यांच्या वाढदिवसानिमित्त सामाजिक बांधिलकी जपत जुनी मिल चाळ गणेशोत्सव मंडळ यांच्या वतीने ज्येष्ठ नागरिकांसाठी राबविण्यात येणाऱ्या अन्न तृप्ती योजनेसाठी अन्नधान्याचे अन्नदान करण्यात आले. मंडळाच्या वतीने २५ पोते गहू, ५ पोते तांदूळ आणि २ तेलाचे डबे आमदार देवेंद्र कोठे यांच्याकडे सुपूर्द करण्यात आले.
महापौर विनायक कोंड्याल यांच्या वाढदिवसानिमित्त विविध सामाजिक उपक्रम राबवून समाजातील गरजू घटकांना मदतीचा हात देण्याचा उपक्रम मंडळाच्या वतीने घेण्यात आला. ज्येष्ठ नागरिकांसाठी सुरू असलेल्या अन्न तृप्ती योजनेला हातभार लावत अन्नधान्याचे योगदान देण्यात आले. वाढदिवसाचा आनंद केवळ उत्सवापुरता मर्यादित न ठेवता सामाजिक उपक्रमातून तो साजरा करण्याचा मंडळाचा हा उपक्रम कौतुकास्पद ठरला.
या अन्नदान कार्यक्रमास मंडळाचे आधारस्तंभ डॉ. सूर्यप्रकाश कोठे तसेच नगरसेवक प्रथमेश कोठे यांची प्रमुख उपस्थिती होती. यावेळी मंडळाच्या पदाधिकाऱ्यांनी अन्नधान्य आमदार देवेंद्र कोठे यांच्याकडे सुपूर्द केले.
जुनी मिल चाळ गणेश उत्सव तरुण मंडळ,मुरार गणपती प्रतिष्ठान ,अध्यक्ष किशोर ढेकळे, उपाध्यक्ष राहुल ठावरे, दीपक मेंबर राजगे, बाळासाहेब ढेकळे,भोजराज माने,मल्लू सकट, सुरेंद्र शिंदे,अक्षय कोथिबीरे, महेश चोरमुले ,विशाल गायकवाड, राहुल पवार,सौरभ वाघमारे, अमोल शिंदे, दीपक ढेकळे, गोपाल झिंगड़े, अमित लामकाने शंकर माढेकर, गजेंद्र बांदेवाडेकर, बसु कोळी, सतीश गुंड, ओम चोरमुले, साईं राऊत, जय चोरमुले, राजेंद्र शिंदे, विकी बाबा सूर्यवंशी, अमर वाघमोडे, बाळासाहेब ढेकळे, रुपेश अंधारे यांच्यासह मंडळाचे पदाधिकारी, कार्यकर्ते आणि परिसरातील गणेशभक्त मोठ्या संख्येने उपस्थित होते.
ज्येष्ठ नागरिकांसाठी राबविण्यात येणाऱ्या अन्न तृप्ती योजनेसाठी करण्यात आलेल्या या अन्नदानामुळे सामाजिक बांधिलकीचा संदेश देण्यात आला. गणेशोत्सवाच्या काळात धार्मिक उत्सवासोबतच सामाजिक उपक्रमांनाही प्राधान्य देत समाजोपयोगी कार्य करण्याची परंपरा जुनी मिल चाळ जीएमसी तरुण मंडळाने यंदाही कायम ठेवली आहे.
