सोलापूर : मोटार वाहन कर न भरलेल्या व मोटार वाहन कायद्यातील विविध गुन्हयांतर्गत जप्त केलेल्या 23 वाहनांचा जाहिर ई-लिलाव उप प्रादेशिक परिवहन कार्यालय, सोलापूर येथे दिनांक 15 फेब्रुवारी 2023 रोजी सकाळी 11.00 ते संध्याकाळी 05.00 वाजेपर्यंत होणार असल्याचे कराधान प्राधिकारी तथा उप प्रादेशिक परिवहन अधिकारी, सोलापूर यांनी कळविले आहे.
सदर वाहने उप प्रादेशिक परिवहन कार्यालय, सोलापूर येथील आवारात दिनांक 03 ते 13 फेब्रुवारी 2023 या कालावधीत कार्यालयीन वेळेत पाहणी करण्यासाठी उपलब्ध आहेत. जाहिर ई-लिलावात एकूण 23 वाहने उपलब्ध असून, यामध्ये बस, ट्रक, डी व्हॅन, पिकअप व्हॅन, टुरिस्ट टॅक्सी, जेसीबी या वाहनांचा समावेश आहे..ई-लिलावाच्या तारखेपर्यंत वाहन कर भरण्याची संधी राहील, याची वाहन मालकांनी नोंद घ्यावी. ई-लिलाव होणाऱ्या वाहनांची यादी जिल्हाधिकारी कार्यालय, सोलापूर यांचे सूचना फलकांवर नागरिकांच्या माहितीसाठी लावण्यात आली आहे.
इच्छुक व्यक्तींनी वर नमूद केलेल्या स्थळी वाहनांची प्रत्यक्ष पाहणी करता येईल. जाहिर ई-लिलावात सहभागी होण्यासाठी दिनांक 03 ते 13 फेब्रुवारी 2023 या कालावधीमध्ये उप प्रादेशिक परिवहन कार्यालय, सोलापूर येथे खटला विभागात सकाळी 11.00 ते संध्याकाळी 5.00 यावेळेत प्रत्येक वाहनांसाठी DY RTO SOLAPUR या नावे 50 हजार रुपये अनामत रकमेचा डीमांड ड्राफटसह ऑनलाईन सादर केलेल्या कागदपत्रांच्या प्रती, नाव नोंदणी करणे व कागदपत्रे पडताळणी सादर करणे गरजेचे आहे.
लिलावाचे अटी व नियम बुधवार, दिनांक 3 फेब्रुवारी 2023 पासून कार्यालयीन कामकाजाच्या दिवशी उप प्रादेशिक परिवहन कार्यालय, सोलापूर येथील नोटीस बोर्डावर सकाळी 11.00 ते दुपारी 5.00 या वेळेत उपलब्ध राहील. तसेच सदर वाहने “जशी आहेत तशी” या तत्त्वावर जाहिर ई-लिलावाद्वारे विकली जातील. कोणतेही कारण न देता सदर जाहिर लिलाव रद्द करण्याचे अथवा तहकूब ठेवण्याचे अधिकारी उप प्रादेशिक परिवहन अधिकारी तथा कराधान प्राधिकारी, सोलापूर यांनी स्वतःकडे राखून ठेवले आहेत.