TOP 25 । सोलापूरच्या विमानसेवेच्या अडथळ्यांबाबत जिल्हाधिकाऱ्यांनी घेतली बैठक… पुन्हा चिमणी अन् नाईट लँडिंग

पाऊस नसताना कमी दृश्य मानतेचे कारण सांगून स्टार एयर आणि फ्लाई 91 या दोन्ही कंपनीने प्रवाशांचा चांगला प्रतिसाद असताना देखील सोलापूरची विमानसेवा पुढील तीन महिन्यासाठी बंद केली आहे, याबाबत जिल्हाधिकारी कार्तिकेयन यांनी आढावा घेतला. पुढील आठ दिवसात या दोन्ही कंपनीने पूर्वत विमानसेवा सुरू करावी अशा सूचना त्यांनी या बैठकीत दोन्ही विमान कंपनीच्या प्रतिनिधींना तसेच विमानतळ प्राधिकरणाला केल्या. तसेच या बैठकीत त्यांनी नाईट लँडिंग सुरू करण्यासंदर्भात कोणत्या अडचणी आहेत याची माहिती घेतली. सध्याचा रण वे 2100 मीटर असून आणखी 140 मीटर रनवे वाढवण्याची गरज आहे… सिद्धेश्वर कारखान्याची सध्या असलेली चिमणी देखील नाईट लँडिंग मध्ये अडथळा ठरते… तसेच मोठ्या प्रमाणावर अतिक्रमणे. रनवे लाइटनिंग अप्रोच लायटिंग इलेक्ट्रिकल अपग्रेड तसेच सध्याची बाऊंड्री वॉल असा एकूण 130 कोटी रुपयांचा खर्च अपेक्षित असल्याची माहिती अधिकाऱ्यांनी दिली. एनटीपीसी सह सिद्धेश्वर, कारखान्याची दुसरी चिमणी, अतिक्रमणे अशा महत्त्वाच्या प्रश्नांमुळे नाईटलाइंडिंग सुरू करण्यासंदर्भात प्रशासनाला मोठी अडथळ्याची शर्यत पार करावी लागणार आहे.