पुनर्वसन उपसंचालकांच्या शेतातून मुरुमा चोरला

येस न्युज मराठी नेटवर्क : सोलापूर येथील भोजप्पा नगर, कवठे येथे राहणारे जिल्हाधिकारी तथा उपसंचालक पुनर्वसन यांच्या जमिनीतून मार्च 2020 ते सप्टेंबर 2020 या कालावधीत जेसीबीच्या साह्याने मुरूम चोरून नेल्याची फिर्याद सलगर वस्ती पोलिस ठाण्यात देण्यात आली आहे . पंढरपूर येथील हरी काळे आणि कवठे येथील भोजप्पा नगर मधील आनंद शंकर चव्हाण यांनी डंपर, पोकलेन व जेसीबीच्या सहाय्याने शेतातील मुरूम चोरून नेल्याचे फिर्यादीत म्हटले आहे. पुनर्वसन उपसंचालक अनिल बबन गुजरे यांच्या आईने मुरूम नेत असताना संबंधित आरोपींना हटकले परंतु त्याचा काहीही उपयोग झाला नाही. याप्रकरणी सहाय्यक पोलीस निरीक्षक खंडागळे अधिक तपास करीत आहेत.या मुरूम व मातीची किंमत अंदाजे 54 लाख 37 हजार 350 रुपये असल्याचे फिर्यादीत म्हटले आहे . एकूण अठरा हजार 124 ब्रास माती व मुरूम केल्याचे फिर्यादीत स्पष्ट करण्यात आले आहे.