भ्याड पंतप्रधान : राहुल गांधींचा घणाघात

येस न्युज मराठी नेटवर्क : काँग्रेसचे माजी अध्यक्ष राहुल गांधी यांनी भारत – चीन सीमेच्या सैन्यमाघारीच्या दाव्यावरून मोदी सरकारवर घणाघात केला. ‘पँगाँग सरोवराच्या भागात आपले सैनिक फिंगर ३ वर तैनात राहतील, परंतु, आपला भाग फिंगर ४ पर्यंत आहे’, असं म्हणत मोदी सरकारने चीनसमोर गुडघे टेकल्याची टीका राहुल गांधींनी केली. एका पत्रकार परिषदेत ते बोलत होते. ‘काल संरक्षणमंत्र्यांऐवजी पंतप्रधान मोदींनी यावर भाष्य का केले नाही?’ असा प्रश्नही राहुल यांनी विचारला आहे. काल संरक्षण मंत्र्यांनी पूर्व लडाख भागातील परिस्थितीवर एक वक्तव्य केले. त्यातून समोर आले, की आपले सैनिक फिंगर ३ वर तैनात राहतील. परंतु, आपला भाग फिंगर ४ पर्यंत आहे. आता आपण फिंगर ४ वरून फिंगर ३ वर आलेलो आहोत. मोदी महाशयांनी आपलाच भाग चीनला का सोपवला आहे,असा प्रश्न राहुल यांनी उपस्थित केला.पंतप्रधान नरेंद्र मोदी भ्याड आहेत जे चीनसमोर उभे राहू शकले नाहीत. हेच सत्य आहे. ते सेनेच्या बलिदानावर थुंकत आहेत, हेच ते सांगत आहेत. त्यांनी सेनेच्या त्यागाचा अपमान केला आहे . भारतात कुणालाही असे करण्याची परवानगी देता कामा नये, अशा शब्दांत राहुल यांनी मोदी सरकारवर टीका केली.