सोलापूर जिल्ह्यात नवीन 669 व्यक्तींना कोरोनाची बाधा

येस न्युज मराठी नेटवर्क : सोलापूर जिल्ह्यातील कोरोना महामारीची परिस्थिती आणखीनच चिंताजनक झाली आहे .मंगळवारी रात्री बारा वाजेपर्यंत आलेल्या अहवालानुसार 415 पुरुष आणि 254 महिला अशा 669 नवीन व्यक्तींना कॉरोनाची बाधा झाल्याचे स्पष्ट झाले. याच कालावधीत 399 व्यक्तींना कोरोनामुक्त झाल्यामुळे घरी पाठवण्यात आले. या 24 तासात 17 व्यक्ती कोरोनामुळे मृत्युमुखी पडले आहेत. त्यामध्ये बार्शी तालुक्यातील चार करमाळा तालुक्यातील तीन उत्तर सोलापूर तालुक्यातील दोन दक्षिण सोलापूर तालुक्यातील 2 माळशिरस तालुक्यातील मोहोळ तालुका दोन आणि सांगोला तालुक्यातील एक अशा व्यक्तींचा मृतांमध्ये समावेश आहे .चिंतेची बाब म्हणजे करमाळा तालुक्यातील विटा येथील 38 वर्षाच्या महिलेचा तसेच दक्षिण सोलापूर तालुक्यातील चिंचपूर येथील 36 वर्षाच्या महिलेचा कॉरोनामुळे मृत्यू ओढवला आहे . त्यामुळे आता युवा पिढीतील महिला व पुरुष देखील मृत्युमुखी पडत असल्यामुळे चिंतेत भर पडली आहे. जिल्ह्यातील चार तालुक्यात शंभरावर नवीन कोरोना रुग्ण आढळले आहेत बार्शी येथे 111 , माढा येथे 108, माळशिरस येथे 131 आणि पंढरपूर येथे 137 नवीन व्यक्तींना कोरोना झाल्याचे स्पष्ट झाले आहे. पंढरपूर+ मंगळवेढा मतदार संघात विधानसभेची पोटनिवडणूक होत असताना पंढरपूर तालुक्यात देखील सातत्याने कोरोना रुग्ण वाढतच आहेत.