सोलापूर – सदोष मनुष्यवध प्रकरणी अटकेतील आरोपी सिद्धांत शंकर जगले (रा. सोलापूर ) यास जिल्हा व सत्र न्यायालय सोलापूर येथे सशर्त जामीन मंजूर केला आहे.
यातील आरोपी सिद्धांत जगले यांच्याविरुद्ध सदर बाजार पोलीस स्टेशन गुन्हा क्रमांक ३७१/२५ अंतर्गत भारतीय न्याय संहिताचे कलम १०० व १०५ अन्वये गुन्हा नोंदवण्यात आला होता. सबब प्रकरणात आरोपी सिद्धांत व त्याचा भाऊ वेदांत आणि यातील मयत इसम तिमन्ना बंडे यांच्यात किरकोळ कारणास्तव काही कारणास्तव वादविवाद चालू होते. सदरील बाब ही फिर्यादी लक्ष्मीबाई बंडे यांनी पाहिली होती तसेच आरोपी व मयत इसम तिमन्ना यांच्यातील वाद मिटवण्याचा प्रयत्न देखील केला होता तसेच त्यांनी घरी परतण्याची विनवणी केली होती. परंतु काही वेळाने यातील आरोपी सिद्धांत याने चापट मारून ढकलून दिल्याने मयत इसम तिमन्ना जमिनीवर पडला असता तो बेशुद्ध अवस्थेत आढळला होता. फिर्यादीने परिसरातील लोकांच्या सहकाऱ्याने मयत तिमन्ना यास गंगामाई हॉस्पिटल सोलापूर येथे उपचारा करिता दाखल केले होते. त्यानंतर दि- २१/०४/२०२५ रोजी समजले की आरोपी व मयत इसम तीमन्ना या दोघांमध्ये मावा खाण्यावरून भांडण झाले होते व यातील आरोपी यांनी रागाच्या भरात फिर्यादीस ढकलून दिल्या कारणाने तो बेशुद्ध अवस्थेत आढळला होता. यातील आरोपी सिद्धांत शंकर जगले यास दि.२१/४/२०२५ रोजी अटक करण्यात आले होते. तदनंतर आरोपीने आपला जामीन अर्ज मे. जिल्हा व सत्र न्यायालय सोलापूर येथे दाखल केले होते. जिल्हा व सत्र न्यायाधीश सोलापूर मा.श्री जयदीप मोहिते यांनी आरोपीच्या जामीन अर्ज सशर्त मंजूर केला आहे.
वरील प्रकरणात आरोपीतर्फे ॲड.कदीर औटी,ॲड. दत्तात्रेय कापुरे,ॲड.वैभव बोंगे ,ॲड. पैगंबर सय्यद,ॲड. ओंकार फडतरे,ॲड. शिवरत्न वाघ, ॲड. मोहीम पठाण, ॲड. मनिष बाबरे, ॲड. रोहित थोरात, ॲड. अजय वाघमारे, ॲड. त्वरिता वाघ, ॲड. अभिषेक नागटिळक यांनी पाहिले तर सरकारतर्फे ॲड. डी एम पवार यांनी काम पाहिले.
