संस्थेची संपत्ती स्थिती मजबूत असून कारभार अगदी पारदर्शक असल्यामुळेच हा पुरस्कार
सोलापूर – सहकार क्षेत्रात अत्यंत नावाजलेले महाराष्ट्र राज्यात नाव असलेले शहरांतर्गत व्यवसाय करणाऱ्या श्री चौडेश्वरी तोगटवीर क्षत्रिय नागरी सहकारी पतसंस्थेस राज्यस्तरीय प्रथम दीपस्तंभ पुरस्कार महाराष्ट्र राज्य सहकारी पतसंस्था फेडरेशन च्या वतीने मिळाला असल्याचे चेअरमन लक्ष्मीकांत उदगिरी यांनी सांगितले.
कन्ना चौक येथील श्री चौडेश्वरी मंदिराजवळ असलेल्या श्री चौडेश्वरी तोगटवीर क्षत्रिय पतसंस्थेस फेडरेशन चे राज्यस्तरीय प्रथम दीपस्तंभ पुरस्कार संस्कार भारतीचे राष्ट्रीय अध्यक्ष मा. उदय जोशी यांच्या हस्ते पुणे भोर येथील संपन्न झालेल्या कार्यक्रमात प्रदान करण्यात आला. यावेळी फेडरेशनचे अध्यक्ष काका कोयटे महासचिव शशिकांत राजोबा खजिनदार दादाराव तुपकर, उपाध्यक्ष डॉ.शांतीलाल सिंगी, कार्याध्यक्ष दीपक पटवर्धन आदी उपस्थित होते.
नुकत्याच संपन्न झालेल्या या कार्यक्रमात पतसंस्थेचे भरभरून कौतुक करण्यात आले याचे कारण सांगताना चेअरमन लक्ष्मीकांत उदगिरी म्हणाले की संस्थेची सांपत्तिक स्थिती एकदम मजबूत असून अगदी पारदर्शक व्यवहार आहे शिवाय संस्थेच्या प्रगतीत शाखाधिकारी, कर्मचारी आणि संचालक मंडळाचा मोठा वाटा असल्याचे त्यांनी सांगितले. आणि नुकतेच संस्थेने 515 कोटी व्यवसायाचा टप्पा देखील पार केला असल्याने या पुरस्काराच्या रूपाने त्याला सोनेरी झालर बांधण्यात आलेले आहे. शहरात संस्था 8 ब्रांचनिशी कार्यरत असून संस्थेचे संपत्तीक स्थिती एकूण ठेवी 272 कोटी, एकूण कर्ज 243 कोटी व एकूण खेळते भांडवल 319 कोटी इतकी आहे.
संस्थेचे विद्यमान संचालक मंडळ व्हाइस चेअरमन विलास बडगंची, अरुण चिंता, विठ्ठल बडगंची, अरविंद पुडूर, विष्णू म्याकल, नरेंद्र बत्तूल, मल्लिकार्जुन खंडे, शंकर कोंतम,अजय रंगम, चंद्रकांत रंगम, अंबिका उदगिरी, उमा पुडूर विजयकुमार शिंपी, रूपसिंग राठोड, भगवंत फलमारे , ॲड. अंबादास कंदीकोंडा आदींसह समाजाचे अध्यक्ष नागनाथ कोंतम आणि समाजातील सर्व प्रमुख संस्थांचे अध्यक्ष व पदाधिकारी यांनी या पुरस्कार मिळाल्यामुळे कौतुक केलेले आहे.
