निवडणूक आयोगामुळे भाजप बॅक फुटवर,काँग्रेस आणि विरोधक आक्रमक

निवडणूक आयोग ही तीन सदस्य संस्था असताना मुख्य निवडणूक आयुक्त ज्ञानेश कुमार यांनी मतदार यादी विशेष सखोल पुनर्नरीक्षण करण्याचा निर्णय एकमताने किंवा बहुमताने घेणे अपेक्षित असताना एकट्यानेच याचा निर्णय घेतला. हाच मुद्दा पकडून आता विरोधकांनी देशभर भाजप विरोधात आणि ज्ञानेश कुमार यांच्या विरोधात रान पेटवले आहे. अगोदर झेन जीच्या आंदोलनामुळे हैराण झालेल्या भाजपला आता ज्ञानेश कुमार यांच्या विरोधात सुरू झालेल्या आंदोलनाचा त्रास होऊ लागला आहे. काँग्रेसचे नेते राहुल गांधी यांच्या विविध कार्यक्रमांना देखील मोठा प्रतिसाद मिळत असून ते चांगले मुद्दे मांडू लागल्यामुळे देखील भाजप नेते अस्वस्थ आहेत. काँग्रेसने देशभर ज्ञानेश कुमार यांच्या विरोधात आंदोलन केले. आता 4 ऑक्टोबर रोजी राज ठाकरे आणि उद्धव ठाकरे मुंबईत मोर्चा काढणार आहेत. राहुल गांधी यांच्या विरोधात बोलण्यासाठी भाजपने थेट महापालिका पदाधिकाऱ्यांना देखील मैदानात उतरविले आहे. एकीकडे दुष्काळ, दुसरीकडे जाहीर झालेली विधान परिषदेची निवडणूक आणि त्यातच ज्ञानेश कुमार यांचा मुद्दा आल्यामुळे भाजपची टीम याला जोरदारपणे मैदानात उतरविण्यात आली आहे. त्यामुळे काल सोलापूर महापालिकेच्या पदाधिकाऱ्यांनी देखील राहुल गांधींवर टीका केली. दुसरीकडे खासदार प्रणिती शिंदे आक्रमकपणे बोलून मने जिंकत आहेत. ज्ञानेश कुमार यांचा मुद्दा खोडून टाकणे हे आता भाजप समोर हे मोठे चॅलेंज आहे.