TOP 25 । उद्या ठरणार भाजपचा गटनेता आणि सोमवारी महापौर..!

सोलापूर महापालिकेची सहा फेब्रुवारी रोजी सकाळी 11 वाजता महापौर आणि उपमहापौर निवडीची विशेष सभा आयोजित केली असून याचा अजेंडा प्रसिद्ध झाला आहे. यासाठी सोमवार दिनांक 2 फेब्रुवारी रोजी नगरसचिव कार्यालयात महापौर आणि उपमहापौर पदासाठी सकाळी दहा ते साडेअकरा या वेळेत अर्ज भरावे लागणार आहेत. त्यामुळे अत्यंत उत्सुकता लागून राहिलेल्या सोलापूरच्या महापौर पदासाठी भाजप कोणाचा अर्ज भरणार हे सोमवारी करणार आहे. तर भाजपचे सर्व नगरसेवक उद्या पुण्यातील विभागीय आयुक्त कार्यालयात जाऊन गटनिता निवडल्याचे पत्र देणार आहेत. त्यामुळे सोलापूर महापालिकेतील भाजपचा सभागृह नेता कोण हे उद्या कळणार असून महापौर आणि उपमहापौर पदाचे नाव सोमवारी कळणार आहे. आणि 6 फेब्रुवारी रोजी होणाऱ्या सभेत महापौर आणि उपमहापौर पदावर पीठासन अधिकारी तथा उपजिल्हाधिकारी गणेश निराळी यांच्या अध्यक्षतेखाली होणाऱ्या पहिल्या विशेष सभेत शिक्का मोर्तब होणार आहे. त्यामुळे महापौर उपमहापौर गटनेता या निवडीच्या प्रक्रियेला चांगलाच वेग येणार आहे.