“जय मार्कंडेय” च्या गजरात मार्कंडेय मंदिरात जन्मोत्सव साजरा

येस न्युज मराठी नेटवर्क : पद्मशाली समाजाचे कुलदैवत भगवान श्री मार्कंडेय महामुनी यांच्या जन्मोत्सवानिमित्त सिद्धेश्वर पेठ येथील मार्कंडेय मंदिरात जन्मोत्सव सोहळा मोठ्या भक्तिमय व मंगलमय वातावरणात धार्मिक विधीवत पूजनाने साजरा करण्यात आला. दरम्यान पहाटे मूळ मुर्तीस अभिषेक महाआरती पाळणा कार्यक्रम पार पडले. त्यानंतर पालखी पूजन व धार्मिक विधी पद्मशाली समाजाचे अध्यक्ष महेश कोठे,महापौर श्रीकांचना यन्नम ,माजी आमदार नरसय्या आडम मास्तर, सचिव सुरेश फलमारी,यांच्या हस्ते करण्यात आले. यावेळी बालराज बोल्ली ,सत्यनारायण कमटम, अनिल वासम ,राकेश पुंजाल,यांच्यासह पद्मशाली समाजातील विश्वस्त उद्योजक व पद्मशाली संघटनेचे पदाधिकारी व भाविक मोठ्या संख्येने उपस्थित होते.
यावेळी पद्मशाली युवक संघटना सोलापूर वतीने आयोजित केलेल्या महर्षी मार्कंडेय महामुनी जन्मोत्सव निमित्त समाजातील डॉक्टर व क्रीडाक्षेत्रातील युवकांचा सत्कार पद्मशाली समाजाचे अध्यक्ष महेश कोठे व महापौर श्रीकांचना यन्नम आणि मान्यवरांच्या हस्ते करण्यात आले.