माढ्यातील 70 वर्षीय वृध्द आरोपीला तब्बल 6 वर्षानंतर जामीन

सावकारीचा त्रासाला कंटाळून रागाच्या भरात कुऱ्हाडीने वार करून सावकाराचा खून केल्याचा आरोप असलेल्या माढ्यातील एका वृद्धाला तब्बल 6 वर्षे 8 महिन्यानंतर जामीन मंजूर झाला आहे.ही घटना माढ्यातील फूटजवळगाव गावात 2019 साली घडली होती.
सात एकर रानावर गुजराण करणाऱ्या शेतकरी हनुमंत कोळेकर याने सावकार चंद्रकांत भानुदास हांडे यांच्याकडून व्याजाने पैसे घेतले होते. रोज काबडकष्ट करत, शेती पिकवणाऱ्या या शेतकऱ्याने सावकाराचे सर्व पैसे व्याजासह फेडले होते. तरीही हांडे याने सतत तगादा लावत कोळेकरांची सात एकर जमीन स्वतःच्या ताब्यात घेतली. दोन गुंठे जागेत घरकुल मंजूर झाले असता या शेतकऱ्याचे घरकुल देखील त्यांनी उध्वस्त केले.या रागाच्या भरात चंद्रकांत कोळेकर याने कुऱ्हाडीने चंद्रकांत हांडे याच्यावर वार केला. या हल्ल्यात हांडे याचा मृत्यू झाला. या प्रकरणी बार्शी येथील अतिरिक्त सत्र न्यायाधीशांनी आरोपी हनुमंत कोळेकर यांना आजीवन कारावासाची शिक्षा ठोठावली होती. मुंबई उच्च न्यायालयाच्या कोल्हापूर खंडपीठाने ही शिक्षा स्थगित करून आरोपीस जामीन मंजूर केला.
या प्रकरणी आरोपीच्या वतीने वकील युवराज भांगे पाटील, ऋषिकेश अजित मोहिते, प्रशांत एडके, संजय मासाळ, धुळदेव मासाळ यांनी प्रभावीपणे बाजू मांडून जामीन मिळवून दिला.