जिल्हा कुमार खो खो स्पर्धा : उत्कर्ष उपविजेता
सोलापूर : वेळापुरच्या अर्धनारी नटेश्र्वर क्रीडा मंडळाने जिल्हा कुमार खो खो स्पर्धेचे विजेतेपद पटकाविले.ह.दे. प्रशालेच्या मैदानावर झालेल्या अंतिम सामन्यात वेळापुरने येथील उत्कर्ष क्रीडा मंडळास १४-११ असे ३ गुणांनी नमविले. मध्यंतरापर्यंत उत्कर्षने कडवी लढत दिली. यामुळे वेळापुरला ६-५ अशी निसटती आघाडी मिळाली. त्यानंतर वेळापुरच्या खेळाडूंनी सामना खेचून आणला.
उत्कर्ष क्रीडा मंडळाने ही स्पर्धा आयोजित केली होती. विजयी संघास उत्कर्ष क्रीडा मंडळाचे अध्यक्ष श्रीनाथ तिरगुळे व उपाध्यक्ष रवींद्र नाशिककर व उमाकांत गायकवाड यांनी शुभेच्छा दिल्या. यावेळी जिल्हा खो खो असोसिएशनचे खजिनदार श्रीरंग बनसोडे, शरद व्हनकडे, न्यू सोलापूर क्लबचे अध्यक्ष मनोज संगावर, संतोष कदम आदी उपस्थित होते.
निवड समिती सदस्य शहनशहा मुजावर, उमाकांत गायकवाड व प्रवीण गोवे यांनी निवडलेला संघ जिल्हा खो खो असोसिएशनचे सचिव सुनील चव्हाण यांनी जाहीर केला.
संघ : गणेश बोरकर, अजय कश्यप, ओम गायकवाड व कृष्णा बनसोडे (वेळापूर) शारेय शेख, निरंकार काळे, प्रतिक शिंदे, जाफर शेख (उत्कर्ष), विकी कोळी, समर्थ कोळी (किरण स्पोर्ट्स), रोहित जंगम (न्यू सोलापुर क्लब), सुजित मेटकरी (शिव प्रतिष्ठान, मंगळवेढा). राखीव : नईम इनामदार (मंगळवेढा), मळसिद्ध व्हणमाने (मंद्रूप), मोइन शेख (उत्कर्ष).