नगराध्यक्ष थेट जनतेमधून निवडला जाणार असल्यामुळे हे पद आपल्यालाच मिळावे यासाठी राज्यभर राजकीय नेत्यांनी आपल्या नातेवाईकांना आणि सगेसोयऱ्यांना नगराध्यक्षपदाची उमेदवारी दिली आहे. मंत्री गिरीश महाजन, संजय सावकारे, आकाश फुंडकर यांनी आपापल्या नातेवाईकांना नगराध्यक्ष पदाची उमेदवारी दिली . हेच लोन सोलापूर जिल्ह्यामध्ये देखील पसरले आहे. अक्कलकोट नगराध्यक्ष पदासाठी आमदार सचिन कल्याणशेट्टी यांनी भाऊ मिलन कल्याणशेट्टी यांना उमेदवारी दिली. पंढरपूर मध्ये नगराध्यक्ष पदासाठी भगीरथ भालके यांनी त्यांच्या पत्नी प्रणिता भालके यांना उभे केले आहे.
मोहोळ मधील अनगर मधून माजी आमदार राजन पाटील यांनी सुनबाई प्राजक्ता पाटील यांना उमेदवारी दिली आहे. दुधनी नगराध्यक्षपदासाठी माजी मंत्री सिद्धाराम म्हेत्रे यांनी पुतण्या प्रथमेश याला तर मंगळवेढ्यात डीसीसी बँकेचे उपाध्यक्ष बबनराव अवताडे यांनी त्यांच्या पत्नी सुनंदा यांना उमेदवारी मिळवली आहे. विश्वास बारबोले यांनी त्यांच्या पत्नी निर्मला यांना बार्शी नगराध्यक्ष पदाची उमेदवारी घेतली आहे. करमाळ्यात कन्हैयालाल देवी यांच्या पत्नी सुनीता यांना भाजपने नगराध्यक्ष पदाची उमेदवारी दिली आहे. बारा नगरपालिकांपैकी बहुतांश ठिकाणी मातब्बर घराण्यांनी आपलेच घरातील उमेदवार मैदानात उतरवले आहे. त्यामुळे त्यामुळे निष्ठावंत कार्यकर्त्यांनो तुम्ही सतरंज्याच उचला.. असाच एक प्रकारे हा संदेश आहे.
