सोलापूर,दि.22: जिल्ह्यातील सहकारी गृहनिर्माण संस्थांना जमिनीचा मालकी हक्क प्राप्त व्हावा यासाठी सहकार आयुक्तालयाकडून दि. 1 ते 15 जानेवारी 2021 या कालावधीत जनजागृती मोहीम राबविण्यात आली होती. शासनाने ही मोहीम सामान्यांपर्यंत जाण्यासाठी 31 जानेवारी 2021 पर्यंत मुदतवाढ दिली असल्याची माहिती जिल्हा उपनिबंधक कुंदन भोळे यांनी दिली.
एखादी सहकारी गृहनिर्माण संस्था स्थापन झाल्यानंतर चार महिन्यांत विकासकाने इमारतीच्या जमिनीचे संस्थेच्या नावे हस्तांतरण करुन देणे, महाराष्ट्र मालकी हक्क् अधिनियम 1963 मधील तरतूदीनुसार एफ.एस.आय. व इमारतीची पुनर्बांधणी यासाठी संस्थेला पूर्णपणे विकासकांवर अवलंबून रहावे लागते. मात्र शासनाने घेतलेल्या जनजागृती मोहिमेमुळे सभासदांना मोजक्या कागदपत्राने हस्तांतरण करणे सोपे झाले आहे.
सहकारी गृहनिर्माण संस्थांनी संबंधित तालुका उप/सहायक निबंधक, सहकारी संस्था याच्या कार्यालयाशी संपर्क साधून प्रक्रियेबाबत माहिती घ्यावी. या संबंधी शासन निर्णय, परिपत्रके आणि इतर माहिती http://housingmaharashtra.gov.in या संकेतस्थळावर उपलब्ध आहे. अधिक माहितीसाठी जिल्हा उपनिबंधक कार्यालयाशी संपर्क साधण्याचे आवाहन भोळे यांनी केले आ
