केंद्रीय अधिकाऱ्यांच्या तीन पथकांनी अहिल्यानगर, सोलापूर, जालना ,बीड ,धाराशिव ,वाशिम यवतमाळ आदी जिल्ह्यातील विविध दुष्काळग्रस्त गावातील शेती, पाण्याचे स्त्रोत यांची प्रत्यक्ष पाहणी केली .आणि शेतकऱ्यांशी संवाद साधला .केंद्रीय पथकाच्या पाहणी मुळे दुष्काळाची तीव्रता केंद्र शासनापर्यंत पोहोचण्यास मदत होईल ,असे फडणवीस यांनी सांगितले.
वर्षा निवासस्थानी झालेल्या बैठकीत आपत्ती व्यवस्थापन मंत्री गिरीश महाजन कृषिमंत्री दत्तात्रय भरणे ,मदत पुनर्वसन मंत्री मकरंद जाधव पाटील ,केंद्रीय दुष्काळ पाहणी पथकाचे प्रमुख तथा केंद्रीय संयुक्त सचिव मुक्तानंद अग्रवाल यांच्यासह केंद्रीय पथकातील सदस्य यावेळी उपस्थित होते.
ग्रामीण भागातील नागरिकांना आणि शेतकऱ्यांना पुढील सहा ते आठ महिने अधिक आधार देण्याची खरी आवश्यकता निर्माण झाली आहे .यासाठी रोजगार निर्मिती , अन्यधान्य पोहोचवणे, पिण्याच्या पाण्याची व्यवस्था, आणि पशुधनासाठी चारा पाणी उपलब्ध करून देण्याचे सूक्ष्म नियोजन करण्यात येत असल्याची माहिती मुख्यमंत्री देवेंद्र फडणवीस यांनी केंद्रीय दुष्काळ पाहणी व पथकासोबत च्या झालेल्या बैठकीतील दिली.
केंद्र सरकारच्या निकषानुसार आकडेवारी वर आधारित सविस्तर आणि नेमके निवेदन सादर करणार असल्याचे मुख्यमंत्री फडणवीस यांनी सांगितले तसेच केंद्रीय गृहमंत्र्यांनी आंतरमंत्रालयीन गटाची बैठक लवकरात लवकर घेऊन मदत देण्याची प्रक्रिया गतिमान करण्याचे आश्वासन दिले आहे असेही त्यांनी सांगितले.
मुख्यमंत्री म्हणाले :-
- उपलब्ध चाऱ्याचा साठा 90 ते 120 दिवसांपर्यंतचाच
- पाणलोट क्षेत्रात चारा उत्पादन वाढवण्यात येईल, त्याच्या साठवणुकी ची व्यवस्था केली जाईल .
- अन्य राज्यातून ही चारा उपलब्ध करण्याचा विचार
- गरजेनुसार चारा छावण्या आणि पशु छावण्यांचा पर्याय
- ग्रामीण भागातील नागरिकांना जलसंधारणाच्या कामांमध्ये सहभागी करून घेण्यात येईल.
- दुष्काळी परिस्थितीत विविध योजनांच्या माध्यमातून जलसाठ्यातील गाळ काढणे दुरुस्ती आणि पुनर्रचनाची कामे मोठ्या प्रमाणावर हाती घेण्यात येतील.
