नवी मुंबई आंतरराष्ट्रीय विमानतळावर (NMIA) TajSATSचे अत्याधुनिक फ्लाइट किचन सुरू झाले आहे. त्यामुळे प्रवाशांना आता वेगवान प्रवासाबरोबर स्वादिष्ट आणि रुचकर भोजनाची व्यवस्था या किचनच्या माध्यमातून होणार आहे. विमानतळावरील वाढती विमानसेवा नेटवर्क आणि प्रवाशांची संख्या लक्षात घेऊन ही सुविधा सुरू करण्यात आली आहे.
या किचनमध्ये दररोज 7,500 मील तयार करण्याची क्षमता असून, विमानसेवा आणि प्रवासी संख्या वाढल्यानंतर ही क्षमता 15,000 मील प्रतिदिनपर्यंत वाढवता येणार आहे. सध्या या सुविधेतून दररोज 40 हून अधिक विमानांना कॅटरिंग सेवा दिली जात आहे.
विमानतळाच्या परिसरातच किचन असल्यामुळे विमानांपर्यंत जेवण पोहोचवणे अधिक जलद आणि कार्यक्षम होणार आहे. देशांतर्गत तसेच आंतरराष्ट्रीय विमान कंपन्यांना या सुविधेचा लाभ मिळणार असून, आंतरराष्ट्रीय विमान कंपन्यांसाठी स्थानिक पातळीवर मील-अपलिफ्टची सुविधाही उपलब्ध असेल.
या अत्याधुनिक फ्लाइट किचनमुळे नवी मुंबई आंतरराष्ट्रीय विमानतळावरील कॅटरिंग व्यवस्था अधिक सक्षम आणि आधुनिक होण्यास मदत होणार आहे.
मात्र,मात्र, आता नवी मुंबईतच हे जागतिक दर्जाचे किचन सुरू झाल्याने विमान कंपन्यांना स्थानिक पातळीवरूनच ताजा, उच्च दर्जाचा अन्नपुरवठा उचलण्याचा एक उत्तम पर्याय मिळाला आहे. नवी मुंबई विमानतळाचे मुख्य अधिकारी सुभाष मुरिकेंचेरी यांनी सांगितले की, या सुविधेमुळे विमान कंपन्यांना प्रवाशांची वाढती मागणी पूर्ण करणे सोपे जाईल
