सावळेश्वर : सोलापूरच्या दिशेने मोटारसायकलवरून जात असताना सावळेश्वर दर्ग्याजवळील पुलावर झालेल्या भीषण अपघातात सावळेश्वर येथील प्रशांत टेकाळे वय अंदाजे २१ ते २२ वर्षे या तरुणाचा जागीच मृत्यू झाल्याची प्राथमिक माहिती समोर आली आहे.
या अपघातात त्यांचे वडीलही जखमी झाले आहेत.मिळालेल्या प्राथमिक माहितीनुसार, प्रशांत टेकाळे हे आपल्या वडिलांसोबत MH.13.BM4199 क्रमांकाच्या मोटारसायकलवरून सोलापूरच्या दिशेने जात होते. सावळेश्वर दर्ग्याजवळील पुलावर त्यांच्या मोटारसायकलला T.S.08.UB.4244 क्रमांकाच्या कंटेनरने धडक दिल्याची प्राथमिक माहिती आहे. अपघाताची तीव्रता एवढी होती की, प्रशांत यांचा जागीच मृत्यू झाला.
जखमी वडिलांना तातडीने उपचारासाठी मोहोळ येथील शासकीय रुग्णालयात दाखल करण्यात आले आहे. त्यांच्यावर प्राथमिक उपचार सुरू असल्याची माहिती आहे.
