मुद्रांक बुडविल्याचे प्रकरण आले अंगलट.. पार्क स्टेडियम पुन्हा महापालिकेच्या ताब्यात…!

सोलापूर महापालिकेने गेल्या वर्षी अवघ्या पाचशे रुपयांच्या बॉण्ड वरती तब्बल 68 कोटी रुपयांचे पार्क स्टेडियम महाराष्ट्र क्रिकेट असोसिएशनच्या ताब्यात वर्षाखाठी अवघे एक लाख रुपये भाडे तत्त्वावर दिले होते. हा 29 वर्षासाठी करार करण्यात आला होता. विशेष म्हणजे यामध्ये जलतरण तलावाचा देखील समावेश होता. याबाबत येस न्यूज मराठीने सर्वप्रथम आवाज उठवला. त्यानंतर यातून जलतरण तलाव वेगळा करण्यात आला.मुद्रांक बुडवल्याचे प्रकरण चांगलेच गाजले.त्यानंतर सर्वच माध्यमांनी यावर प्रकाश टाकला. मुद्रांक शुल्क बुडविण्यासाठीच ही हात चलाखी केल्याचे सिद्ध होत असल्यामुळे सुमारे साडेतीन कोटी रुपये महाराष्ट्र क्रिकेट असोसिएशन ने किंवा महापालिकेने भरावे लागत होते. त्यामुळे महापालिका आयुक्त सचिन ओंबासे यांनी महाराष्ट्र क्रिकेट असोसिएशन सोबत अवघ्या पाचशे रुपये च्या बॉण्डवर केलेला चुकीचा करार अकरा महिन्यानंतर रद्द केला आहे. एमसीएला याबाबत पार्क मैदानाचा ताबा पुन्हा महापालिकेकडे 48 तासात द्यावा याबाबतचा आदेश आयुक्तांनी दिला आहे. करार रद्द केला असला तरीही मुद्रांक शुल्क भरावाच लागणार त्यामुळे हा प्रश्न अद्याप प्रलंबित राहणार आहे.