पद्मश्री डॉ. डी. वाय. पाटील यांचे मंगळवार ४ ऑगस्ट २०२६ रोजी दुःखद निधन झाले. त्यांच्या निधनाने शिक्षण, आरोग्य आणि सामाजिक क्षेत्रात मोठी पोकळी निर्माण झाली आहे.
बुधवार ५ ऑगस्ट २०२६ रोजी त्यांच्या पार्थिवाचे अंत्यदर्शन सकाळी ९ ते सायंकाळी ४ या वेळेत यशवंत निवास, कसबा बावडा, कोल्हापूर येथे ठेवण्यात येणार आहे.त्यानंतर सायंकाळी ४ वाजता अंत्ययात्रा निघणार असून सायंकाळी ५ वाजता डी. वाय. पाटील मेडिकल कॉलेज, लाईन बाजार, कसबा बावडा, कोल्हापूर येथे अंत्यसंस्कार करण्यात येणार आहेत.
पद्मश्री डॉ. डी. वाय. पाटील यांनी शिक्षण आणि आरोग्य क्षेत्रात दिलेल्या उल्लेखनीय योगदानामुळे त्यांचे नाव देशभर आदराने घेतले जाते. त्यांच्या निधनाबद्दल विविध क्षेत्रांतून शोक व्यक्त केला जात आहे.
