आमदार देवेंद्र कोठे यांच्या हस्ते विकासकामांचा शुभारंभ
सोलापूर : प्रभाग क्रमांक २२ मधील मोदी हुडको परिसरातील १५ वर्षांपासून असलेली पिण्याच्या पाण्याची समस्या अखेर सुटली आहे. स्थानिक आमदार विकास निधीतून आमदार देवेंद्र कोठे यांच्या हस्ते ७ लाख ७४ हजार रुपये खर्चाच्या पिण्याच्या पाण्याच्या पाईपलाईन टाकण्याचा शुभारंभ सोमवारी करण्यात आला.
या कामामुळे गेल्या १५ वर्षांपासून पिण्याच्या पाण्याच्या समस्येला तोंड देणाऱ्या येथील अनेक कुटुंबीयांना मोठा दिलासा मिळाला असून परिसरातील नागरिकांना नियमित व सुरळीत पाणीपुरवठा करण्याचा मार्ग मोकळा झाला आहे.
या विकासकामाच्या शुभारंभाप्रसंगी आमदार देवेंद्र कोठे, रतन डोळे, भाजपा ज्येष्ठ पदाधिकारी शिरीष गायकवाड, मारेप्पा कंपली, गुरूशांत धुत्तरगांवकर, शिवराज गायकवाड, अक्षय वाकसे, विकी संगटे, नारायण धुमाळ, नागेश म्हत्रे, संजय उमाटे, अनंत वळसंगकर, संतोष सूर्यवंशी, राजू पवार, अनुप्रास धुमाळ, संजय लोखंडे, सचिन गायकवाड, युवराज घाडगे, संतोष गायकवाड, युवराज गायकवाड, प्रसन्न मठपती तसेच परिसरातील नागरिक मोठ्या संख्येने उपस्थित होते.
