विवेकानंद केंद्र, वयम्, सोलापूर यांच्या वतीने पहिल्या “योगशास्त्र संगमम्” या त्रिदिवसीय प्रांत स्तरीय योग परिषदेचे आयोजन दि. २६, २७ व २८ जून २०२६ रोजी करण्यात आले आहे. ही योग परिषद विवेकानंद केंद्र, वयम्, सोलापूर येथे संपन्न होणार आहे. विवेकानंद केंद्राच्या माध्यमातून महाराष्ट्र स्तरावर होणारी ही पहिलीच योग परीषद आहे.
परिषदेचा मुख्य विषय पातंजल योगसूत्रे असा असून, या परिषदेचा उद्देश योगविषयक संशोधन, योगअभ्यास, योग अनुभव आणि आधुनिक काळातील योगाच्या विविध आयामांवर विचारमंथन घडवून आणणे आणि योग ही जीवनशैली म्हणून अंगीकारणे हा आहे.
परिषदेत योगाभ्यास,योग तज्ज्ञांची मार्गदर्शन पर व्याख्याने, शैक्षणिक चर्चासत्रे तसेच संशोधनपर शोधनिबंध सादरीकरण यांचा समावेश असेल.
परिषदेचे उद्घाटन दि २६ जून रोजी सायंकाळी ५.०० वाजता परमपूज्य स्वामी स्वरूपानंद सरस्वती महाराज, श्रुती सागर आश्रम, फुलगाव, पुणे यांच्या शुभहस्ते होणार आहे.
या तीन दिवसीय परिषदेत प्रख्यात योग व विचारवंत तज्ज्ञांचे विशेष मार्गदर्शन लाभणार असून त्यामध्ये श्रीराम जी आगाशे, ठाणे रवि जी शर्मा, कन्याकुमारी यांचा समावेश आहे. त्यांच्या मार्गदर्शनातून योगाचे तात्त्विक, वैज्ञानिक आणि व्यावहारिक पैलू उलगडले जातील.
याशिवाय राज्यभरातून योग अभ्यासक, संशोधक, शिक्षक आणि विद्यार्थ्यांना आपले संशोधनपर शोधनिबंध सादर करण्याची संधी उपलब्ध करून देण्यात आली आहे. या माध्यमातून योग क्षेत्रातील नव्या संकल्पना, संशोधन निष्कर्ष आणि अनुभवांची देवाणघेवाण होणार आहे.
योग क्षेत्राशी संबंधित अभ्यासक, संशोधक, शिक्षक, विद्यार्थी तसेच योगप्रेमी नागरिकांनी या परिषदेचा लाभ घ्यावा, असे आवाहन विवेकानंद केंद्राचे वतीने करण्यात आले आहे.
आयोजकः विवेकानंद केंद्र, वयम्, सोलापूर, कालावधीः दिनांकः २६, २७ व २८ जून २०२६ स्थळः विवेकानंद केंद्र, वयम्, प्रणव नगरी, स्वामी विवेकानंद मार्ग जुळे सोलापूर, सोलापूर. अधिक माहितीसाठी संपर्कः सुहास देशपांडे 94235 26118, डॉ शालिनी मस्के 7722036876
