आदीला नदी की नाला..! वर्षभर महापालिका आणि पाटबंधारे विभागात टोलवाटोलवी..!

सोलापूर महापालिकेचे आयुक्त सचिन ओंबासे यांनी आपत्कालीन योजनेतून 76 नाल्यांचे काम हाती घेतली आहे. हे नाले अनेकांच्या शेतजमिनीतून तर अंतिम लेआउट मंजूर करून घेतलेल्या काही बिल्डरच्या लेआउट मधून जात आहेत. त्यामुळे आदीला नदीकाठच्या या लोकांमध्ये उद्रेक निर्माण झाला आहे. त्यांचे करोडो रुपयांचे नुकसान झाले आहे होत आहे.कोणी कितीही दबाव आणला तरी काम बंद पडणार नाही असा इशारा आयुक्तांनी दिला असून यात बाधित होणाऱ्या सुमारे 300 ते साडेतीनशे लोकांनी कोर्टातून स्थगिती आणू नये यासाठी त्यांच्या विरोधात कोल्हापूर खंडपीठात कॅव्हेट दाखल केले आहे. गेल्या वर्षीच्या मुसळधार पावसाने कित्येक वर्षानंतर आदीला नदीला पूर आला. अनेक ठिकाणचे नैसर्गिक नाले बुजल्यामुळे अनेकांच्या घराघरात पाणी गेले. त्यामुळे आयुक्तांनी हा विषय सिरीयस घेऊन आपत्कालीन योजनेचे अधिकार वापरून नव्याने 74 नाले रुंदीकरण खोलीकरण करण्याचा आराखडा तयार करून तो डेव्हलपमेंट प्लॅन मध्ये समाविष्ट केला आहे. शिवाय 100 कोटी रुपये खर्चून 99 नाल्यांचे खोलीकरण देखील सुरू आहे. आदिला नदीचे रेखांकन म्हणजेच ब्ल्यू लाईन आणि रेड लाईन ठरविण्याचे अधिकार पाटबंधारे विभागाला आहेत. तोपर्यंत या भागातील डेव्हलपमेंट ठप्प होणार आहे. आदीला नदी की नाला यावरून महापालिका आणि पाटबंधारे विभाग यांच्यात संभ्रम असून दोघेही एकमेकांवर टोलवाटोलवी करत आहेत.